Happy independence day to all my visitors

Happy independence day to all my visitors

Happy independence day to all my visitors

1.gif

Posted: 08/15/2012 01:15 PM IST
Happy independence day to all my visitors

     happy_id1        ముందుగా ఆంధ్రావిశేష్.కాం  సందర్శకులందరికీ భారతమాత స్వాతంత్ర్యదినోత్సవ శుభాకాంక్షలు. ఇక ఇవాళ  దేశవ్యాప్తంగా స్వాతంత్ర్య దినోత్సవ సందడి నెలకొంది. మువ్వన్నెల జెండా రెపరెపలాడుతోంది. 66వ స్వాతంత్ర్య దినోత్సవాన్ని దేశ ప్రజలు ఘనంగా జరుపుకుంటున్నారు. పోరాట యోధుల త్యాగాన్ని గుర్తుచేసుకుంటున్నారు. మా తుఝే సలామ్ అంటూ జెండా వందనం చేస్తున్నారు. దేశంలోని మహానగరాలతోపాటు చిన్న చిన్న మారుమూల పల్లెల్లో కూడా 66వ స్వాతంత్ర్య వేడుకలు ఘనంగా జరుగుతున్నాయి. ఢిల్లీలోని ఎర్రకోటపై త్రివర్ణ పతాకం రెపరెపలాడుతోంది. ప్రధాని మన్మోహన్ సింగ్ జాతీయ జెండాని ఎగురవేశారు. ఆ తర్వాత త్రివిధ దళాల గౌరవవందనం స్వీకరించారు. స్వాతంత్ర్య వేడుకల్లో ఏఐసీసీ అధ్యక్షురాలు సోనియాతో పాటు కాంగ్రెస్ పార్టీ నేతలు పాల్గొన్నారు. happy_id_2
     ఎర్రకోటపై జాతీయ జెండా ఎగురవేసిన ప్రధాని ఉద్వేగంగా ప్రసంగించారు. పేదరికం, అవిద్య, ఆకలి తొలగినప్పుడే దేశానికి నిజమైన స్వాతంత్రం సిద్ధించినట్లని ప్రధాని మన్మోహన్ సింగ్ అన్నారు. ఎర్రకోటలో జాతీయ జెండా ఎగురవేసిన ప్రధాని దేశ ప్రజలందరికీ స్వాతంత్ర దినోత్సవ శుభాకాంక్షలు తెలియజేశారు. వైఫల్యాలనుంచి పాఠాలు నేర్చుకుని దేశప్రజలంతా కలసికట్టుగా ముందుకు సాగినప్పుడే మనం నిర్దేశించుకున్న లక్ష్యాలను సాధించగలమని ప్రధాని అన్నారు.  saveeeeee      
        దేశాభివృద్ధిలో యువత భాగస్వాములు కావాలని రాష్ట్రపతి ప్రణబ్ ముఖర్జీ అన్నారు. స్వాతంత్ర్య దినోత్సవం సందర్భంగా ప్రణబ్ జాతినుద్దేశించి చేసిన తొలి ప్రసంగంలో నెహ్రూ, గాంధీ, చంద్రబోస్ ల త్యాగాలను కొనియాడారు. ఆధునికత, అభివృద్ధిలో భారత్ మరింత పురోభివృద్ధి సాధించాలని ప్రణబ్ ఆశాభావం వ్యక్తం చేశారు. మౌలిక సదుపాయాలు, విద్యాఫలాలు ప్రతి ఒక్కరికీ అందాలన్నారు. పేదరికం, అనారోగ్య రహతి భారత్ ఆవిర్భవించాలని ఆకాంక్షించారు. దేశాల మధ్య పరస్పర సహకారంతో ఉగ్రవాదం, తీవ్రవాద నిర్మూలన సాధ్యమని తన ప్రసంగంలో పేర్కొన్నారు.

...avnk

If you enjoyed this Post, Sign up for Newsletter

(And get your daily news straight to your inbox)

  High alert in major cities
Parthasarathy  
Rate This Article
(0 votes)
Tags : latest news  moviesm movie news  city events  events coverage  

Other Articles