Posted: 08/08/2012 02:52 PM IST

పేరుకు తగ్గట్లు ఇది నిజంగానే వండర్. ఎందుకంటే.. ఈ పిల్లికి కళ్లు లేవు.. అయినా.. చూశారు కదా.. పియానో ఎలా వాయించేస్తోందో.. స్టీవీబ్రిటన్‌లోని గాడ్‌మాంచెస్టర్‌లో ఉన్న ఉడ్ గ్రీన్ జంతు సంరక్షణ కేంద్రంలో ఉంటోంది. హెర్నియా, ఇతర వ్యాధులతో బాధపడుతూ ఓ తోటలో పడి ఉన్న స్టీవ్‌ను ఈ జంతు సంరక్షణ కేంద్రంవారు రక్షించి.. తమ కేంద్రానికి తీసుకొచ్చారు. చికిత్స చేశారు. పియానో సౌండ్ వింటే చాలు.. ఈ పిల్లి ఆనందంతో గంతులేయడాన్ని వారు గమనించారు. ఓ రోజు పియానో దీనికి అప్పగిస్తే.. కళ్లు లేకున్నా.. వాయించేయడం మొదలుపెట్టింది. మొదట్లో దీని వాయింపుడుకు చెవులు చిల్లులు పడినా.

ఇప్పుడిప్పుడు కొంచెం శ్రావ్యంగానే వాయిస్తోందట. ఈ మార్జాలం టాలెంట్ చూసే.. ఈ పిల్లికి అమెరికా అంథ గాయకుడు, పియానిస్ట్ స్టీవీ వండర్ పేరు పెట్టారు. అయితే, దీనికి చిన్నప్పటి నుంచి కళ్లు లేవా లేక మధ్యలో ఎవరైనా శస్త్రచికిత్స ద్వారా వాటిని తొలగించారా అన్న విషయాన్ని వెటర్నరీ డాక్టర్లు కూడా కనిపెట్టలేకపోతున్నారట.