Posted: 07/07/2012 04:35 PM IST

మాంసం కోసం ఇకపై కోళ్లు, మేకల వంటి జీవుల అవసరం ఉండకపోవచ్చు! ఏ జీవినీ వధించకుండానే మాంసం లభించే రోజులు దగ్గరపడ్డాయి. ప్రయోగశాలలోనే దాన్ని తయారు చేస్తున్నారు మరి! ఈ ప్రక్రియ తుది దశకు చేరుకుందని పరిశోధకులు ప్రకటించారు. తమ ప్రక్రియ ద్వారా కృత్రిమ అవయవాలను కూడా అభివృద్ధి పరిచి ట్రాన్స్‌ప్లాంటేషన్(అవయవ మార్పిడి) కోసం వినియోగించవచ్చని చెబుతున్నారు.

దీనిపై పెన్సల్వేనియా యూనివర్సిటీ, ఎంఐటీ నిపుణులు సంయుక్తంగా పరిశోధన జరుపుతున్నారు. 'గతంలో 2డీ టెక్నాలజీ ద్వారా మాంస కణజాలాన్ని అభివృద్ధి పరిచినప్పటికీ దాని ద్వారా పెద్ద పరిమాణంలో మాంసాన్ని తయారు చేయలేకపోయాం. అందుకే త్రీడీ ప్రింటింగ్ పద్ధతిని కనిపెట్టాం. దీంతో పరిశోధనలు విజయవంతంగా కొనసాగుతున్నాయి. త్రీడీ ప్రింటింగ్ టెక్నాలజీతో చక్కెర కణాలను ఉపయోగించి ముందుగా నమూనా రూపొందిస్తాం. తర్వాత దానిపై కణజాలం అభివృద్ధి చేస్తాం.