Posted: 07/01/2012 01:38 PM IST

       అమెరికాలో తెలుగుదనం ఉట్టిపడింది. హ్యూస్టన్‌లో 'నాటా' సంబరాలు అంబరాన్ని అంటాయి. ఉత్తర అమెరికా తెలుగు అసోసియేషన్‌ - నాటా ఆధ్వర్యంలో జార్జ్‌బ్రౌన్‌ కన్వెన్షన్‌ సెంటర్‌లో ఉత్సవాలు కలర్ ఫుల్ గా జరుగుతున్నాయి. మొదటి, రోజు సినీ, రాజకీయ ప్రముఖులతో పాటు పారిశ్రామికవేత్తలు పాల్గొన్నారు. ఎన్నారై యువత నృత్యాలతో సంబరాల్లో జోష్‌ పెంచింది. సినీ రాజకీయ ప్రముఖులు ముఖ్యఅథితులుగా హాజరయ్యారు. సినీ నటులు నందమూరి బాలకృష్ణ, రాజేంద్రప్రసాద్‌, శివారెడ్డి, మధుషాలిని, రాజకీయ ప్రముఖులు తీగల కృష్ణారెడ్డి, గోనె ప్రకాశరావు, పలువురు పారిశ్రామిక వేత్తలు, టీవీ ఫైవ్‌ ఎండి రవీంద్రనాథ్‌ నాటా వేడుకల్లో పాల్గొన్నారు. గెస్టులను నాటా ఘనంగా సత్కరించింది. మొదటి రోజు, రెండో రోజూ నాటా సంబరాలకు ప్రవాంసాంధ్రులు భారీగా తరలివచ్చారు. ఒకరినొకరు ఆప్యాయంగా పలకరించుకున్నారు. అంతా కలసి భోజనాలు చేశారు. ఆంధ్రా వంటకాలను ఆహ్వాదించారు.ఇక సాంస్కృతిక కార్యక్రమాలు నాటాలో హైలెట్‌గా నిలిచాయి. ఎన్నారై యువతులు డ్యాన్సులతో హోరెత్తించారు. ఉత్సవాల్లో జోష్‌ పెంచారు.ఇదిలా ఉంటే మూడో రోజు జగరనున్న ఉత్సవాల కోసం నాటా ప్రత్యేక ఏర్పాట్లు చేస్తోంది. బిజినెస్‌ సెమినార్‌లు, రాజకీయ చర్చలు, విద్యార్ధులకు ప్రోత్సాహకాలతో పాటు యువతలో జోష్‌ పెంచే సంస్కృతిక కార్యక్రమాలను నిర్వహిస్తోంది. ఈ వేడుకలకు ప్రవసాంధ్రులు భారీగా తరలివచ్చారు.

....avnk