Posted: 04/11/2012 05:32 PM IST

సాధారణంగా ఉద్యోగం అంటే... ఉదయం 9 లేదా 10 నుండి సాయంత్రం 6 లేదా 7 గంటల వరకు ఉంటుంది. ఆ తరువాత ఇంటికి వచ్చేసి ఎంచక్కా భార్య పిల్లలతో ఎంజాయ్ చేయటం. మళ్ళీ తెల్లవారి విధులకు వెళ్ళం ఇది దినచర్య. ఇది గతంలో. కానీ ఇప్పుడు కాలం తో పాటు పని మారింది. రోజురోజుకీ పెరిగిపోతున్న సాంకేతిక పరిజ్ఞానం పుణ్యమాని ఇప్పటి ఉద్యోగులకు ఆ అవకాశం లేదు. ఆఫీసు పనిని ఇంటికి.. ఆ మాటకొస్తే పడగ్గదిలోకి కూడా తీసుకెళ్లాల్సిన దుస్థితి. తయారయ్యిందని 'మాఫొయ్ ర్యాండ్‌స్టాడ్ వర్క్‌మానిటర్' అధ్యయనంలో ఇదే తేలింది.

భారతీయుల్లో అత్యధికులు ఆఫీసు పనికి-కుటుంబ జీవితానికీ మధ్య సమతౌల్యం సాధించలేక సతమతమవుతున్నారని ఈ సంస్థ చేసిన సర్వే స్పష్టం చేసింది. సాంకేతిక పరిజ్ఞానం ఉద్యోగుల వ్యక్తిగత జీవితాల్లోకి నిరంతర చొరబాటుగా మారిందని పేర్కొంది. ఈ సమస్య రాను రాను ఎక్కువవుతుండటంతో కొన్ని కంపెనీలు ఈ సమస్యకు పరిష్కారం వెతికే దిశగా ఆలోచిస్తున్నాయని తెలిసింది.