Posted: 12/13/2011 12:40 PM IST

కాంగ్రెస్ పార్టీకి రోజు రోజుకి సంకీర్ణ బలం పెరుగుతుంది. తాజాగా చరణ్ సింగ్ కుమారుడు ఆర్ ఎల్ డి అధిపతి అజిత్ సింగ్ కాంగ్రెస్ లో అధికారికంగా చేరిపోయాడు. ఉత్తరప్రదేశ్‌ అసెంబ్లీ ఎన్నికల కు కాంగ్రెస్‌తో పొత్తు ఖరారు చేసుకున్న ఆర్‌ ఎల్‌డి సోమవారం అధికారికంగా యుపిఎ లో చేరిపోయింది.  దీనితో ఆర్‌ఎల్‌డి అధిపతి అజిత్‌సింగ్‌కు పౌర విమానయాన మంత్రి ప దవిని కట్టబెడతారనే ఊహాగానాలు ఊపందుకున్నాయి. దీనితో యుపిఎ సంకీర్ణ బలం 272 నుంచి 277 ఎంపీలకు పెరిగింది. అజిత్ సింగ్ కి కొన్ని ప్రాంతాల్లో పట్టు ఉంది. దీనితో కాంగ్రెస్ పార్టీకి ఆ ప్రాంత ఓట్లు కలిసి వచ్చే అవకాశం ఉంది. అంతే గాక అతనికి 5గురు ఎంపీల బలం కూడా ఉంది. అజిత్ సింగ్

చేరికతో కాంగ్రెస్ కి ఓట్ల బలం కూడా పెరుగుతుందని అంటున్నారు.
ఆర్‌ఎల్‌డి సంకీర్ణంలో చేరడానికి సుముఖంగా ఉన్నట్టు అజిత్‌ సింగ్‌ యుపిఎ చైర్‌పర్సన్‌ సోనియా గాంధీకి లేఖ అందచేయగా, ఆమె అందుకు అం గీకరించారని కాంగ్రెస్‌ ప్రధాన కార్యదర్శి దిగ్విజయ్‌ సింగ్‌ విలేకరులకు తెలిపారు. కాంగ్రెస్‌తో కుదుర్చుకున్న పొత్తు ప్రకారం యుపి ఎన్నికలలో ఆరెల్డీ 45 స్థానాలలో పోటీ చేయనుంది.