Posted: 12/12/2011 02:33 PM IST

మన దేశంలో ప్రజలు రాజకీయ పార్టీల పై, ఆ పార్టీ అభ్యర్థుల పై విశ్వాసం కోల్పోయారు. మరి ఎలాంటి నాయకుడు కావాలని ప్రజలు కావాలనుకుంటున్నారు. అవినీతికి పాల్పడని రాజకీయ నాయకుడు. దీని కోసం త్వరలో ఉత్తర ప్రదేశ్ లో జరగబోయే ఎన్నికల్లో ఓ రాజకీయ పార్టీ సంచలన నిర్ణయం తీసుకుంది.

మన దేశంలో హిజ్రాలు ఎన్నికల్లో పోటీ చేయడం కొత్త విషయం కాకపోయినా, ఉత్తర ప్రదేశ్ ఎన్నకల్లో రాష్ట్రీయ వికాస్ పార్టీ ఏకంగా 50 మంది హిజ్రాలను ఎన్నికల బరిలో ఉంచాలని నిర్ణయించింది. అంతే కాకుండా సీఎం అభ్యర్థిని కూడా కొజ్జానే ప్రకటించింది.
అసెంబ్లీ సీట్లకు రాష్ట్రీయ వికాస్ (ఆర్ వీ పీ) ఏకంగా 50 సీట్లను వారికే కేటాయించారు. సీఎం పదవికి తమ పార్టీ అభ్యర్థిగా కిన్నర్ మోర్చా జాతీయ అధ్యక్షురాలు శోభా పేరును ఆయన ప్రకటించారు. దౌలానా అసెంబ్లీ సీటు నుంచి బువా పోటీ చేస్తారని చెప్పారు. ఇప్పటికే 5గురి పేర్లను ఖరారు చేశారు.

2000 సంవత్సరంలో మధ్యప్రదేశ్ లోని సుహాగ్ పూర్ నుండి ఎన్నికై... దేశంలోనే తొలి హిజ్రా ఎమ్మెల్యేగా రికార్డుకెక్కిన షబ్నం మౌసీ... తమ పార్టీ తరుపున కాన్పూర్ కంటోన్మెంట్ తరుపున పోటీ చేస్తారని చెప్పారు. దేశంలో నిజాయితీ గల నాయకుల కోసం ప్రజలు ఎదురు చూస్తున్నారని, రాజకీయ పక్షాల నేతలు స్వప్రయోజనాల కోసం పనిచేస్తారని, అదే హిజ్రాలకు కుటుంబం, పిల్లలు ఉండరని వారు నిస్వార్థంగా పనిచేస్తారని వీరేంద్ర కుమార్ పేర్కొన్నారు.