సమైక్యాంద్ర సెగలు - సమ్మె కూత

Posted: 08/05/2013 05:53 PM IST

Seemandhra sega ap municipal employees to go on 72 hour strike

మున్సిపల్ కార్యాలయాల్లో సిబ్బంది 72 గంటల పాటు విధులు బహిష్కరించాలని నిర్ణయించారు. దానిలో భాగంగా విధులకు హాజరు కాలేదు. పారిశుధ్యం, నీటి సరఫరా వంటి అత్యవసర పౌర సేవలకు మినహాయింపు ఇవ్వడం జరిగిందని మున్సిపల్ సిబ్బంది పేర్కొన్నారు. సమైక్య సెగలు చల్లారడం లేదు. వివిధ జిల్లాలో సమైక్య వాదులు ఆందోళనలు నిర్వహిస్తున్నారు. ర్యాలీలు చేస్తున్నారు. మొత్తం 13 జిల్లాలోని మున్సిపల్ ఉద్యోగులు నుండి విధులు బహిష్కరించారు. తిరుపతిలో మున్సిపల్ సిబ్బంది విధులు బహిష్కరించారు. మున్సిపాల్టీలు, నగర పంచాయతీల్లో పనిచేస్తున్న అన్ని స్థాయిల ఉద్యోగులు సమ్మెల్లో పాల్గొంటున్నాయని సిబ్బంది తెలిపారు. విజయవాడలో కూడా సిబ్బంది విధులు బహిష్కరించారు. త్వరలో ఏపీఏన్జీవోస్ సంఘం చేపడుతున్న సమ్మెకు మద్దతు తెలిపారు. వారు 12వ తేదీన చేపట్టే సమ్మెలో పాల్గొంటామని మున్సిపల్ సిబ్బంది చెప్పారు. ప్రతి జిల్లాలోని విస్తృత స్థాయి సమావేశాలు నిర్వహిస్తామని తెలిపారు. మూడు రోజుల తరువాత మరోసారి భేటి అయి తదుపరి కార్యాచరణను ఖరారు చేస్తామని మినిస్టీరియల్ ఉద్యోగుల సంఘం తెలిపింది. విజయనగరం జిల్లాలో సమైక్యాంధ్ర ఉద్యమం ఉధృతంగా సాగుతోంది. నాయకులు, విద్యార్థులు, ఉద్యోగుల ఆధ్వర్యంలో జిల్లావ్యాప్తంగా ఆందోళనలు కొనసాగుతున్నాయి. రోడ్ల దిగ్బంధనం, నిరసన కార్యక్రమాలతో విజయనగరం జిల్లా హోరెత్తుతోంది. చిత్తూరు జిల్లాలో నిరసనలు మిన్నంటుతున్నాయి. కొందరు కిరోసిన్‌ ఒంటిపై పోసుకుని నిప్పటించుకున్నారు. దీంతో కొద్దిసేపు ఉద్రిక్త పరిస్థితులు తలెత్తాయి. పోలీసులకు, ఆందోళనకారులు వాగ్వివాదం జరిగింది. ఇక ఎమ్మెల్యే సికె బాబు ఆరోగ్యం క్షిణించింది.