ప్రజలను మోసగిస్తున్న చంద్రబాబు

Posted: 05/17/2013 08:03 PM IST

Political mla kannababu comment on chanra babu naidu

ఎమ్మెల్యే కన్నబాబు చంద్రబాబును విమర్శించారు. అమలుకు సాధ్యం కాని హామీలతో చంద్రబాబు ప్రజలను మోసం చేయడానికి చూస్తున్నారని ఆయన అన్నారు. కాంగ్రెస్‌తోనే అభివృద్ధి సాధ్యమని చెప్పారు. స్థానిక మున్సిపల్‌ కార్యాలయంలో చెక్కుల పంపిణీ కార్యక్రమం జరిగింది. ఇటీవల పాదయాత్ర నిర్వహించిన చంద్రబాబు కాబోయే ముఖ్యమంత్రిని తానేనని పగటికలలు కంటున్నాడని దెప్పిపొడిచారు. అనంతరం డ్వాక్రా సంఘం సభ్యుల పిల్లలకు స్కాలర్‌షిప్‌లు అందజేశారు.

జనశ్రీ బీమా యోజన పథకం కింద 9వ తరగతి నుంచి ఇంటర్మీడియట్‌ అభ్యసించే 216మంది విద్యార్థులకు ఒక్కొక్కరికి రూ.1200 చొప్పున చెక్కులు పంపిణీ చేశారు. ఆమ్‌ఆద్మీ పథకం కింద ఆరుగురికి రూ.30వేలు చొప్పున చెక్కులు అందజేశారు. యలమంచిలి మున్సిపాలిటీ పరిధిలో 838 స్వయం సేవా సంఘాలు నడుస్తున్నాయని తెలిపారు. వీరిలో కొంతమంది తీసుకున్న రుణాలకు వడ్డీలు కూడా చెల్లించకపోవడం వల్ల జనశ్రీ యోజన పథకానికి అర్హులు కాలేకపోయారన్నారు. యలమంచిలి మున్సిపాలిటీని అన్ని రకాల అభివృద్ధి చేసి ప్రగతిపథంలో నడిపిస్తామన్నారు.