ఇంటర్నెట్ లేకున్నా ఛాటింగ్ ఇలా చెయ్యండి

Posted: 12/15/2015 03:58 PM IST

స్మార్ట్‌ఫోన్‌లో చాటింగ్ చేయాలంటే నెట్ సెల్యులర్, వైఫైల ద్వారా ఇంటర్నెట్ డేటా తప్పక ఉండాలి. ఇప్పుడా అవసరం లేదు. మీ ఫోన్‌లో ఇంటర్నెట్, నెట్‌వర్క్ లేకపోయినా చాంటిగ్ చేయొచ్చు. ఓపెన్ గార్డెన్ అనే సంస్థ డెవలెప్ చేసిన ఫెర్ ఛాట్ అప్లికేషన్ ఉపయోగించి ఇంటర్నెట్ తో సంబంధం లేకుండా తమ స్నేహితులతో చాట్ చేసుకోవచ్చు. సెంట్రల్ సర్వర్‌తో పనిలేకుండా రెండు ఫోన్‌లను ఈ యాప్ కనెక్ట్ చేస్తుంది. మొబైల్ డేటాతో పనిలేకుండా, వైఫై సౌకర్యం అక్కర్లేకుండా ఈ యాప్ తన సేవలను అందిస్తోంది. ఓపెన్ గార్డెన్ అనే సంస్థ ఈ అప్లికేషన్‌ను అభివృద్థి చేసింది.

ఈ యాప్‌ను ఉపయోగించేటపుడు ఫోన్‌లోని బ్లుటూత్, వై-ఫైలను మాత్రం ఖచ్చితంగా ఆన్‌చేసి ఉంచాలని కంపెనీ చెబుతోంది. ఆండ్రాయిడ్, యాపిల్ ఓఎస్‌లకు ఈ యాప్ అందుబాటులో ఉంది. ప్రకృతి విపత్తులు సంభవించి సమాచార వ్యవస్థ పూర్తిగా దెబ్బ తిన్న సందర్భాల్లో దీన్ని ఉపయోగించుకునే వీలుంటుందని చెబుతున్నారు. ప్రస్తుతం చెన్నై వరదల నేపథ్యంలో అక్కడ ఎలాంటి కమ్యూనికేషన్ వ్యవస్థ లేకుండా పోయింది. అయినా కూడా కొందరు బయటి వారితో తమ పరిస్థితిని విన్నవించుకోవటానికి ఈ ఫైర్ చాట్ యాప్ నే వాడుతున్నారు.