పెరుగులో దాగివున్న గొప్ప ఆరోగ్య ప్రయోజనాలు

Posted: 11/19/2015 05:43 PM IST

ప్రతిరోజూ ఆరోగ్యకరమైన ఆహారాలను తీసుకుంటే.. నిత్యం ఆరోగ్యంగా మెలగవచ్చునని ఆరోగ్య నిపుణులు సూచిస్తున్నారు. అలాంటి హెల్దీ ఫుడ్స్ లలో ‘పెరుగు’ కూడా ఒకటి. రెగ్యులర్ గా తీసుకునే భోజనంలో కాస్త పెరుగు జోడిస్తే.. అది దివ్యౌషధంలా పనిచేసి ఆరోగ్యాన్ని మెరుగుపరుస్తుందని నిపుణులు తమ పరిశోధనల ఆధారంగా వివరిస్తున్నారు. ఇందులో వుండే పోషకాలు రకరకాల జబ్బుల నుంచి నయం చేయడంలో సమర్థవంతంగా పనిచేస్తాయి. శరీరానికి కావలసిన శక్తిని అందించి, ఉత్తేజంగా వుండేలా చేస్తుంది ఈ పెరుగు. ఇంకా ఈ పెరుగులో ఎటువంటి ఆరోగ్య ప్రయోజనాలు దాగి వున్నాయంటే...

* ప్రతిరోజు సమయానులకూలంగా పెరుగు సేవిస్తుంటే.. శరీరంలో వ్యాధినిరోధక శక్తి పెరిగి జబ్బులు రాకుండా అడ్డుకుంటుంది. ఆ రోజంతా ఉత్తేజంగా వుండేలా చేస్తుంది.
* వేసవి కాలంలో పెరుగుతో చేసిన మజ్జిగ లేదా పెరుగులో చక్కెర కలుపుకుని లస్సీలాగా సేవిస్తే శరీరంలో వేడి తగ్గి ఉపశమనం కలుగుతుంది.
* పెరుగు సేవిచండం వలన జీర్ణశక్తి పెరుగుతుంది. పొట్ట సంబంధిత వ్యాధులు కూడా తగ్గుముఖం పడతాయని నిపుణులు సూచిస్తున్నారు.
* పెరుగులో క్యాల్షియం అధికంగా ఉంటుంది. తద్వారా పెరుగును ప్రతి రోజు తీసుకుంటే.. ఉదరసంబంధిత జబ్బులు ముటమాయమౌతాయి.
* జలుబు, శ్వాసకోస సంబంధిత జబ్బులతో బాధపడేవారికి పెరుగు దివ్యౌషధంలా పనిచేస్తుంది.
* అల్సర్‌తో బాధపడేవారు పెరుగు తీసుకుంటే... ఆ సమస్య నుంచి త్వరితంగా ఉపశమనం పొందవచ్చు.
* నోట్లో పొక్కులు ఏర్పడి నోరు పుండైతే పెరుగును నోట్లో పోసుకుని పుక్కలిస్తుంటే ఉపశమనం లభిస్తుంది.
* పెరుగులో వాము కలుపుకుని సేవిస్తే మలబద్దకం తగ్గి ఉపశమనం కలుగుతుంది.