నిమ్మతో పసుపుపచ్చ పళ్లు మటుమాయం

Posted: 09/07/2015 01:27 PM IST

ప్రస్తుత ఆధునిక యుగంలో ప్రతిఒక్కరు పోషకాహారాలు మానేసి.. పిజ్జాలు, బర్గర్లు, ఫాస్ట్ ఫుడ్స్ కు అలవాటు పడ్డారు. దీంతో రకరకాల ఆరోగ్యపరమైన సమస్యలు వచ్చిపడుతున్నాయి. అందులో ముఖ్యంగా చెప్పుకోవాల్సింది పసుపుపచ్చ పళ్ల గురించి! ఆ ఫాస్ట్ ఫుడ్స్ తిన్నప్పుడు అందుకే వుండే హానికారకాలు పళ్లపై నేరుగా ప్రభావం చూపడంతో.. కాలక్రమంలో తెల్లగా వుండే పళ్లు పసుపుపచ్చ రంగులోకి మారుతాయి. ఇదొక్కటే కారణం కాదు.. ఇంకా చాలానే వున్నాయి. ఏదేమైనా.. నేటి జనరేషన్ లో ఈ సమస్య బారిన చాలామంది పడుతున్నారు.

తమకు పసుపుపచ్చ పచ్చ పళ్లు వుండటం కారణంగా వారు స్వేచ్ఛగా నోరు తెరవాలంటే బిడియపడుతుంటారు. నలుగురిలో నవ్వేందుకు ఇబ్బందిపడుతుంటారు. లోలోపలే మానసిక ఆవేదనకు గురవుతుంటారు. తమ పళ్ళను తెల్లగా మార్చుకోవడం ఎన్నిరకాల ప్రయత్నాలు చేసినప్పటికీ.. అంతగా ఫలితం దక్కపోవడం వారిని మరింత బాధిస్తుంది. ఇటువంటి వారికి నిపుణులు ఓ సింపుల్ చిట్కా అందిస్తున్నారు. ఏవేవో రసాయనాలు వాడి మరిన్ని సమస్యల్ని కొనితెచ్చుకోవడం కంటే.. పిసిరంత నిమ్మకాయతో తళతళలాడే పళ్ళను తెచ్చుకోవచ్చని వారంటున్నారు.

ఒక గిన్నెలో తాజా నిమ్మకాయను పిండి రసాన్ని తీయాలి. అందులో కొద్దిగా ఉప్పు వేసి కలబెట్టాలి. బ్రషింగ్ చేయడం పూర్తి అయ్యాక ఆ రసాన్ని రెండు సార్లు నోట్లో పోసుకొని.. రెండు నిమిషాలపాటు పుక్కిలించి ఊమ్మేయాలి. ఇలా ఒక వారం రోజుల పాటు చేస్తే చాలు.. పళ్ళపై ఉన్న గార లేదా పాచితో ఉప్పు, నిమ్మరసంలోని సిట్రిక్ యాసిడ్‌లు రసాయన చర్యలు జరుపుతాయి. వాటిపై గార లేదా పసుపు పచ్చటి పొర తొలగిస్తాయట. ఇలా చేస్తే వారానికి పళ్లు తళతళా మెరవడం ఖాయం.