ఎంట్రీ కాకముందు అఖిలుడి గ్రాండ్ పార్టీ...

Posted: 02/13/2015 06:24 PM IST

Akkineni nagarjuna akhil entry function hyderabad madhapur shilpakalavedika sayesha saigal

అక్కినేని కుటుంబం నుంచి మరో వారసుడు అఖిల్ తెరంగేంట్రం చేసేందుకు సిద్ధంగా వున్న విషయం తెలిసిందే! వివి వినాయక్ దర్శకత్వంలో తెరకెక్కుతున్న ఈ మూవీలో సాయేషా హీరోయిన్’గా నటిస్తోంది. ఈ మూవీని హీరో నితిన్ శ్రేష్ట్ మూవీస్ పతాకంపై నిర్మిస్తున్నాడు. ఇక.. ఇతని ఎంట్రీకోసం నాగార్జున ఎన్నో కష్టాలు అనుభవించిన విషయం విదితమే! మంచి కథతోపాటు సక్సెస్ ఫుల్ దర్శకుడితో ఎంట్రీ ఇవ్వాలనుకున్నట్లుగానే అన్ని ఏర్పాట్లు సిద్ధం చేసుకున్నారు. ఫిబ్రవరి 16వ తేదీ నుంచి ఈ మూవీ రెగ్యులర్ షూటింగ్ ప్రారంభం కానుంది.

అయితే.. తన తనయుడు ఇండస్ట్రీలో ఎంట్రీ ఇస్తున్నాడన్న విషయాన్ని అభిమానులకు చేరవేసేందుకు నాగార్జున ఓ భారీ కార్యక్రమాన్ని నిర్వహించేందుకు రంగం సిద్ధం చేశారు. ప్రేమికుల దినోత్సవం సందర్భంగా ఫిబ్రవరి 14వ తేదీన హైదరాబాదులోని మాధాపూర్ శిల్పకళావేదిక ఆడిటోరియంలో ఈ పరిచయ కార్యక్రమం పెద్ద ఎత్తున చేశారు. ఈ సందర్భంగానే షూటింగును కూడా లాంఛనంగా ప్రారంభిస్తారని సమాచారం! ఈ వేడుకలోనే చిత్రకథానాయిక అయిన సాయేషా సైగల్ ను కూడా అభిమానులకు పరిచయం చేస్తారు. ఈ వేడుకల కార్యక్రమాలకు కావలసిన అన్ని ఏర్పాట్లు సిద్ధం చేసుకున్నారు.

మొదటి సినిమాతోనే సక్సెస్ ఫుల్, స్టార్ హీరోగా అఖిల్ ఎదగాలన్న ఉద్దేశంతోనే నాగార్జున ఈ గ్రాండ్ ‘పరిచయ’ పార్టీని సిద్ధం చేసినట్లు సన్నిహిత వర్గాలు పేర్కొంటున్నాయి. ఏదైతేనేం.. అఖిల్ ఎంట్రీ కోసం ఆయన కుటుంబసభ్యులతోపాటు ఇటు టాలీవుడ్ ప్రేక్షకులు ఎంతగానో ఎదురుచూస్తున్నారు.