ప్రేమికులకు నిఖిల్ కానుక..

Posted: 02/03/2015 06:23 PM IST

Hero nikhil surya vs surya movie audio release date valentines day february 14

సరికొత్త కథాంశాలను మాత్రమే సెలెక్ట్ చేసుకుంటూ ప్రేక్షకులకు కొత్తదనాన్ని అందిస్తున్న హీరో నిఖిల్.. ‘సూర్య వర్సెస్ సూర్య’ మూవీతో మరో ప్రయోగం చేయనున్నాడనే విషయం తెలిసిందే! ఇప్పటికే ఈ మూవీ ఫస్ట్ లుక్ పోస్టర్లు, టీజర్, ట్రైలర్లకు ప్రేక్షకుల నుంచి అనూహ్య స్పందన లభించింది. ‘స్వామి రారా’, ‘కార్తికేయ’ లాంటి కొత్త కాన్సెప్ట్ మూవీలతో భారీ హిట్స్ సాధించిన ఈ యువనటుడు.. ఆ తరహాలోనే తెరకెక్కుతున్న ఈ సూర్య మూవీతోనూ మరో సంచలన విజయం సాధించడం ఖాయమని అంటున్నారు. ఇక ఇటీవలే ఈ మూవీలోని ఓ పూర్తి పాట కూడా విడుదలయ్యింది. మూవీ ప్రచారం కోసమే ఇలా ఒక్కొక్కటి విడుదల చేస్తున్నట్లు తెలుస్తోంది.

ఇదిలావుండగా.. తాజాగా సమాచారం ప్రకారం ఈ మూవీ ఆడియోని వాలెంటైన్స్ డే సందర్భంగా ఫిబ్రవరి 14వ తేదీన రిలీజ్ చేయనున్నారని తెలిసింది. అలాగే మూవీని ఫిబ్రవరి చివర్లో రిలీజ్ చేయడానికి దర్శకనిర్మాతలు ప్లాన్ చేస్తున్నారు. పెద్ద మూవీలో ఏవీ లేని సమయంలో మూవీని విడుదల చేస్తే హిట్ టాక్ తెచ్చుకోవడంతోపాటు భారీ వసూళ్లను రాబడుతుందనే ఉద్దేశంతోనే ఫిబ్రవరి చివరివారంలో రిలీజ్ చేసేందుకు సన్నాహాలు చేస్తున్నారు. మరో విషయం ఏమిటంటే.. ఈ మూవీలో అలనాటి హీరోయిన్ మధుబాల ఓ ప్రముఖ పాత్రలో కనిపించనుంది. ఈ మూవీతో ఆమె రీఎంట్రీ గ్రాండ్’గా వుంటుందని యూనిట్ వర్గాలు అభిప్రాయం వ్యక్తం చేస్తున్నాయి.

ఇక ఇందులో నిఖిల్ సరసన త్రిదా చౌదరి హీరోయిన్’గా నటిస్తుండగా.. సినిమాటోగ్రాఫర్ కార్తీక్ ఘట్టమనేని దర్శకుడుగా పరిచయమవుతున్నాడు. షూటింగ్ చివరిదశకు చేరుకోవడంతో తదితర కార్యక్రమాలను శరవేగంగా ముగిస్తున్నట్లు యూనిట్ వర్గాలు తెలుపుతున్నాయి. ఏదేమైనా.. మరో కొత్త కాన్సెప్ట్’తో కథతో వస్తున్నందుకు ఈ మూవీపై హైప్ బాగానే పెరిగింది.