చైనా ఓపెన్ లో ముగిసిన భారత్ పోరు..

Posted: 11/17/2017 04:53 PM IST

భారత స్టార్ షట్లర్, రియో ఒలంపిక్ రజత పతక విజేత పివీ సింధూ కూడా సైనా బాటలోనే నడిచింది. చైనా ఓపెన్ సూపర్ సిరీస్ లో అమైనా ముందుకు దూసుకెళ్తుందని అశించిన బ్యాడ్మింటన్ క్రీడాభిమానుల ఆశలు అడియాశలయ్యాయి. మహిళల విభాగంతో స్టార్ గా వెలుగోందుతున్న సిందూ కూడా చైనా ఓపెన్ నుంచి నిష్క్రమించింది. దీంతో చైనా ఓపెన్‌ సూపర్ సిరీస్ లో భారత తన పోరు ముగించేసింది.

భారత్‌ తరఫున పోరులో ఉన్న పీవీ సింధు కూడా క్వార్టర్స్‌ నుంచే వెనుదిరిగడంతో అభిమానులకు నిరాశే మిగిలింది. ఇవాళ జరిగిన మహిళల సింగిల్స్ లో రెండో సీడ్ సింధు 11-21, 10-21తో గావొ ఫాంగ్‌జీ(చైనా) చేతిలో ఓటమిపాలైంది. 38 నిమిషాల పాటు జరిగిన మ్యాచులో సింధు ప్రత్యర్థికి ఏమాత్రం పోటీ ఇవ్వలేకపోయింది. క్వార్టర్స్ నుంచే సింధు కూడా నిష్క్రమించడంతో చైనా ఓపెన్ సూపర్ సిరీస్ లో భారత పోరుకు తెరపడినట్లయింది.