సెరెనా ఖాతాలో 17 గ్రాండ్ స్లామ్ టైటిల్

Posted: 10/17/2013 07:11 PM IST

యూఎస్ ఓపెన్లో సీనియర్ ఆటకారిణిగా, టైటిల్ ఫేవరెట్ గా బరిలోకి దిగిన అమెరికా నల్లకలువ భామ సెరెనా విలియమ్స్ నేడు జరిగిన యూఎస్ ఓపెన్ ఫైనల్లో అజరెంకా పై 7-5, 6-7, 6-1 తేడాతో విజయం సాధించి తన ఖాతాలో 16వ గ్రాండ్ స్లామ్ ని వేసుకుంది. గత కొన్ని రోజులు నుండి తన పూర్తి స్థాయి ఆటను ప్రదర్శించని ఈ అమ్మడు ఈ సారి తన సత్తాచాటింది. ఎంతో మంది యువ స్టార్ క్రీడాకారిణిలను మట్టికరిపించి ఫైనల్ కి చేరిన ఈమె అందరు అనుకున్నట్లుగానే టైటిల్ సాధించింది. 1999లో 16 సంవత్సరాల వయసులోనే సెరెనా  మొదటిసారిగా యూఎస్‌ ఓపెన్‌ మహిళల సింగిల్స్‌ టెన్నిస్ టైటిల్ గెలుచుకున్నారు. మొదటి సెట్‌లో సెరెనాతో అజరెంకా పోటా పోటీగా ఆడినప్పటికీ సెరెనా 7-5తో సెట్ ను సొంతం చేసుకుంది. రెండో సెట్‌లోనూ అదేవిధంగా పోటీ పడిన విక్టోరియా అజరెంకా, సెరెనా విలియమ్స్ పై పైచేయి సాధించింది. కాగా మూడో సెట్ కూడా అంతే పోటాపోటీగా సాగుతుందనుకున్నా సెరెనా తన బలమైన షాట్లతో ప్రత్యర్థిపై విరుచుకుపడడంతో విక్టోరియా చేతులెత్తేసింది.