అభిమాన క్రికెటర్ ఇచ్చిన బ్యాటుతోనే ట్రై సీరీస్ కు..

Posted: 03/13/2018 08:41 PM IST

భారత పరుగుల యంత్రం, కెప్టన్ విరాట్ కోహ్లీకి బహిరంగంగా లవ్ ప్రమోజ్ చేసి.. తనను పెళ్లి చేసుకోవాలని అగిడిన మహిళా క్రికెటర్ గుర్తుందా..? ఎవరామె..? అంటారా.. అమె ఇంగ్లాండ్‌ మహిళా క్రికెటర్‌ డేనియెల్లి వాట్‌. త్వరలో ముక్కోణపు టీ20 సిరీస్‌ కోసం ఇంగ్లాండ్‌ జట్టు భారత్ లో పర్యటించనున్న నేపథ్యంలో ఇంగ్లాండ్ జట్టు తరపున డేనియెల్లి కూడా భారత్ కు వస్తుంది. అయితే ఏంటీ..? అంటారా..? విరాట్ కోహ్లీకి పెళ్లైన విషయం తెలిసినా దానిని అంతూ ఔనత్యంతో స్వాగతించిన డేనియెల్లి.. తనకు విరాట్ పైనున్న అభిమానాన్ని మాత్రం ఏవరూ తుడిచేయలేరని చెప్పకనే చెబుతుంది.

అదెలా అంటే.. త్వరలో భారత్ లో ముక్కోణపు సిరీస్ లో భాగంగా పర్యటించేందుకు వస్తున్న తాను.. విరాట్ కోహ్లీ ఇచ్చిన బ్యాటుతోనే ముక్కోణపు సిరీస్ అడతానని ప్రకటించింది. నిజంగానే విరాట్ కోహ్లీ అమెకు బ్యాటును బహుకరించాడా..? అంటే అవును. 2014లో టీమిండియా ఇంగ్లాండ్‌ పర్యటనకు వెళ్లినప్పుడు..  డెర్బిషైర్ లో భారత ‌-ఇంగ్లాండ మధ్య జరిగిన వార్మప్‌ మ్యాచుకు డేనియల్లీ వచ్చింది. మ్యాచ్‌ అనంతరం కోహ్లీని కలిసింది. దీంతో ఇంగ్లాండ్ మహిళా క్రికెటర్ గా అమెను గౌరవ మర్యాదలతో అహ్వానించిన విరాట్ అమె కోరిక మేరకు ఫొటో కూడా దిగాడు. ఆమెను కలిసిన సందర్భంగా అమెకు తన వద్దనున్న ఒక బ్యాటును కూడా కానుకగా బహుకరించాడు.

అప్పట్లో కోహ్లీతో దిగిన ఫొటోను, బ్యాట్ ను సోషల్ మీడియాలో పెట్టిన డేనియెల్లి అప్పట్లో తెగ సంబరపడిపోయింది. ఇక తాజాగా ముక్కోణపు సిరీస్‌ కోసం భారత్‌ వస్తున్న నేపథ్యంలో తాను కోహ్లీ బహుకరించిన బ్యాటుతోనే అడతానని చెప్పింది. అదేంటి అని మీడియా ప్రశ్నించగా, తాను అడే బ్యాట్ విరిగిపోయిందని, దీంతో తాను విరాట్ ఇచ్చిన బ్యాట్ తోనే అడతానని తెలిపింది. భారత్‌-ఇంగ్లాండ్‌-ఆస్ట్రేలియా మధ్య ముక్కోణపు టీ20 సిరీస్‌ మార్చి 23 నుంచి ప్రారంభం కానుంది. తొలి మ్యాచ్‌ ఇంగ్లాండ్‌-ఆస్ట్రేలియా మధ్య జరగనుంది. ఆ తర్వాత మార్చి 25న భారత్‌.. ఇంగ్లాండ్ తో తలపడనుంది.