అప్పటి స్యామి వ్యాఖ్యలపై ఇప్పుడు వెస్టీండీస్ క్రికెట్ బోర్డు చర్యలు

Posted: 08/06/2016 07:58 PM IST

Darren sammy sacked in 30 second phone call

వెస్టిండీస్ జట్టు టీ 20 వరల్డ్ కప్లలో రెండు పర్యాయాలు ఛాంఫియన్లుగా నిలిపిన కెప్టెన్ డారెన్ స్యామీకి వెస్టిండీస్ క్రికెట్ బోర్డు షాక్ ఇచ్చింది. టీ 20లలో చాంఫియన్లుగా నిలిపిన స్యామి.. అప్పట్లో తమ బోర్డుపై తీవ్ర పదజాలాన్ని వినియోగించాడు. అందునా గెలిచిన అనంతరం నిర్వహించిన ప్రేస్ మీట్ లో. అయితే అదే సందర్భంలో ఆయనకు విండీస్ దిగ్గజాల మద్దతు కూడా లభించడంతో.. ఇన్నాళ్లు ఓపిక పట్టిన బోర్డు.. తాజాగా ఆయనపై చర్యలకు ఉపక్రమించింది.

ముందుగా స్యామీని టీ 20 కెప్టెన్సీ నుంచి తప్పిస్తూ వెస్టిండీస్ బోర్డు సంచలన నిర్ణయం తీసుకుంది. ఈ విషయాన్ని తన ఫేస్బుక్ అకౌంట్లో అభిమానులకు తెలియజేసిన స్వామీ ఆవేదన వ్యక్తం చేశాడు. కేవలం సెలక్టర్లు తనతో 30 సెకెండ్లపాటు మాత్రమే మాట్లాడి కెప్టెన్సీ తొలిగిస్తున్నట్లు చెప్పడం తీవ్ర వేదనకు గురిచేసిందన్నాడు. 'సెలక్టర్ల నుంచి నాకు ఫోన్ కాల్ వచ్చింది. ఆ ఫోన్ కాల్ సారాంశ ఏంటంటే నన్ను కెప్టెన్సీ తప్పిస్తున్నట్లు విండీస్ సెలక్షన్ కమిటీ చైర్మన్ తెలిపారు.

ఆ విషయాన్ని కూడా 30 సెకెండ్లలోముగించి కాల్ కట్ చేశారు. మా బోర్డు ఇలా చేయడం నన్ను తీవ్రంగా కలిచివేసింది. టీ 20 కెప్టెన్సీ నియమాకానికి కొత్త వ్యక్తి అన్వేషణలో ఉన్నట్లు మా సెలక్షన్ చైర్మన్ పేర్కొన్నారు. విండీస్ సెలక్టర్లను నా ఆట ఆకట్టుకోలేదట. ఈ కారణం చేతనే కెప్టెన్సీ నుంచి తొలిగిస్తున్నట్లు చెప్పారు. ఇక విండీస్ కు టీ 20 కెప్టెన్ గా ఎంపిక కాలేనేమో' అని స్యామీ ఆందోళన వ్యక్తం చేశాడు.