అఫ్ఠనిస్థాన్ క్రికెట్ జట్టుకు ఇండియాలో హోంగ్రౌండ్

Posted: 12/10/2015 07:12 PM IST

ఆఫ్ఘనిస్థాన్ క్రికెట్ బోర్డుకు భారత్ లో హోం గ్రౌండ్ ను కల్పించింది భారత క్రికెట్ నియంత్రణ మండలి. భారత్ లో క్రీడా మైదానం కేటాయించాలన్న అఫ్ఘనిస్తాన్ వినతి మేరకు బిసిసిఐ ఈ నిర్ణయం తీసుకుంది. ఈ మేరకు. ఆఫ్ఘనిస్థాన్ లో క్రికెట్ అభివృద్ధి నిమిత్తం ఆ దేశ క్రికెట్ బోర్డుతో బీసీసీఐ ఎంవోయూ కుదుర్చుకుంది. ఢిల్లీలో జరిగిన ఈ ఒప్పందంపై బీసీసీఐ కార్యదర్శి అనురాగ్ ఠాకూర్, ఐపీఎల్ ఛైర్మన్ రాజీవ్ శుక్లాతో పాటు ఆఫ్ఘనిస్థాన్ క్రికెట్ బోర్డు అధికారులు సంతకాలు చేశారు.

ఈ ఒప్పందంలో భాగంగా ఉత్తర్ ప్రదేశ్ లోని గ్రేటర్ నోయిడా క్రికెట్ స్టేడియాన్ని ఆఫ్ఘనిస్థాన్ క్రికెట్ బోర్డుకు బీసీసీఐ అప్పగించింది. ఈ స్టేడియంలో ఆఫ్ఘనిస్థాన్ కు చెందిన ఆటగాళ్లు శిక్షణ పొందడంతో పాటు మ్యాచ్ ఆడే వెసులుబాటు కల్పించారు. ఆఫ్ఘనిస్థాన్ లో క్రికెట్ అభివృద్ధికి సహాయం చేయాలని ఆ దేశం గతంలో భారత క్రికెట్ కంట్రోల్ బోర్డును కోరడంతో.. ఈ మేరకు నిర్ణయం తీసుకున్న బిసిసిఐ నోయిడా మైదానాన్ని వారికి అప్పగిస్తూ ఒప్పందం కుదుర్చుకుంది.

జి. మనోహర్