అంతర్జాతీయ క్రికెట్ మండలి తాజాగా విడుదల చేసిన టెస్ట్ ర్యాంకింగ్స్లో ఇంగ్లాండ్ ఆటగాడు జో రూట్ మరోమారు అగ్రస్థానాన్ని సాధించాడు. ఈ ఏడాది ఆగస్టులో ఆస్ట్రేలియాతో ట్రెంట్ బ్రిడ్జ్లో జరిగిన టెస్టు మ్యాచ్ అనంతరం నంబర్ వన ర్యాంకును కోల్పోయిన రూట్.. రెండు నెలల్లోనే ఆ ర్యాంకును చేజిక్కించుకున్నాడు. జో రూట్ 913 పాయింట్లతో అగ్ర స్థానానికి ఎగబాకగా, ఆస్ట్రేలియా టెస్టు కెప్టెన్ స్టీవ్ స్మిత్ 910 పాయింట్లతో రెండో స్థానానికి పడిపోయాడు. దక్షిణాఫ్రికా ఆటగాళ్లు ఏబి డివిలియర్స్, హషీం ఆమ్లాలు 3,4వ స్థానాల్లో నిలిచారు. ఐదో స్థానంలో పాకిస్థాన్ బ్యాట్స్మెన్ యూనిస్ ఖాన్ ఉన్నాడు. ఇదిలా ఉండగా, ఏ ఒక్క భారత బ్యాట్స్మెన్ టాప్-10లో స్థానం దక్కించుకోలేకపోయారు. విరాట్ కోహ్లీ 11వ ర్యాంకులో కొనసాగుతున్నాడు.
టెస్టు బౌలింగ్ విభాగంలో దక్షిణాఫ్రికా పేసర్ డేల్ స్టెయిన్ 905 పాయింట్లతో తొలి స్థానంలో నిలిచాడు. పాకిస్థాన్ స్పిన్నర్ యాసిర్ షా 827 పాయింట్లతో తొలిసారి రెండో స్థానాన్ని సాధించాడు. భారత టెస్టు క్రికెట్ విషయానికొస్తే స్పిన్నర్ రవి చంద్రన్ అశ్విన్ ఒక్కడే టాప్ 10లో నిలిచాడు. అశ్విన్ 760 పాయింట్లతో ఎనిమిదో స్థానంలో ఉన్నాడు. అలాగే ఆల్ రౌండర్ విభాగంలో అశ్విన్ రెండో స్థానంలో నిలిచాడు. కాగా, టెస్టు జట్లలో దక్షిణాఫ్రికా 125 పాయింట్లతో మొదటి స్థానంలో ఉండగా, ఆస్ట్రేలియా (106 పాయింట్లు) రెండో స్థానంలో, ఇంగ్లాండ్( 102 పాయింట్లు)మూడో స్థానంలో, 101 పాయింట్లతో పాకిస్థాన్ నాల్గో స్థానంలో నిలిచాయి. పాకిస్థాన్ కంటే ఒక పాయింట్ తక్కువగా ఉన్న టీమిండియా(100 పాయింట్లు) ఐదో స్థానంతో సరిపెట్టుకుంది.
* ఐసిసి టెస్ట్ జట్టు ర్యాంకింగ్స్: *
1. దక్షిణ ఆఫ్రికా 125 పాయింట్లు
2. ఆస్ట్రేలియా 106
3. ఇంగ్లాండ్ 102
4. పాకిస్తాన్ 101
5. భారతదేశం 100
6. న్యూ జేఅలాండ్ 99
7. శ్రీలంక 93
8. వెస్ట్ ఇండీస్ 76
9. బంగ్లాదేశ్ 47
10. జింబాబ్వే 5
* ఐసిసి టెస్ట్ బ్యాట్స్మన్ ర్యాంకింగ్స్ *
1. జో రూట్ (ఇంగ్లాండ్) 913 పాయింట్లు
2. స్టీవెన్ స్మిత్ (ఆస్ట్రేలియా) 910
3. డివిలియర్స్ (దక్షిణ ఆఫ్రికా) 890
4. హషీమ్ ఆమ్లా (దక్షిణ ఆఫ్రికా) 881
5. యూనిస్ ఖాన్ (పాక్) 854
6. ఏంజెలో మాథ్యూస్ (శ్రీలంక) 851
7. కేన్ విలియమ్సన్ (న్యూజీలాండ్) 813
8. అలస్టేయిర్ కుక్ (ఇంగ్లాండ్) 783
9. డేవిడ్ వార్నర్ (ఆస్ట్రేలియా) 775
10. క్రిస్ రోజర్స్ (ఆస్ట్రేలియా) 761
* ఐసిసి టెస్ట్ బౌలర్ ర్యాంకింగ్స్ *
1. డేల్ స్టెయిన్ (దక్షిణ ఆఫ్రికా) 905 పాయింట్లు
2. యాసిర్ షాహ్ (పాక్) 827
3. జేమ్స్ ఆండర్సన్ (ఇంగ్లాండ్) 824
4. స్టువర్ట్ బ్రాడ్ (ఇంగ్లాండ్) 817
5. ట్రెంట్ బౌల్ట్ (న్యూజిలాండ్) 814
6. మిచెల్ జాన్సన్ (ఆస్ట్రేలియా) 773
7. వెర్నాన్ అక్రమసంబంధం (దక్షిణ ఆఫ్రికా) 770
8. రవిచంద్రన్ అశ్విన్ (భారత్) 760
9. రంగన్ హెరాత్ (శ్రీలంక) 751
10. టిమ్ సౌథీ (న్యూజీలాండ్) 713
జి. మనోహర్
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more