తొలిరోజు 319-6 పరుగులు సాధించిన టీమిండియా

Posted: 08/20/2015 10:22 PM IST

Rahul 108 shores up india on fluctuating day

మూడు టెస్టుల సీరిస్ లో భాగంగా కొలంబో వేదికగా ఇవాళ ప్రారంభమైన రెండో టెస్టులో భారత్ భారీ స్కోరు దిశగా సయనిస్తోంది. తొలి రోజు ఆట ముగిసే సమాయానికి ఆరు వికెట్ల నష్టాలనికి 319 పరుగులను సాధించిన కోహ్లీ సేన.. లంకేయుల బౌలర్లకు ధీటుగానే సమాధానం ఇచ్చింది. టాస్ గెలిచి బ్యాటింగ్ ఎంచుకున్న టీమిండియా... తొలిరోజు ఆటలో మెరుగైన ఆటను ప్రదర్శించింది. ఆదిలోనే ఓపెనర్ మురళీ విజయ్(0) , అజింక్యా రహానే(4) వికెట్లను కోల్పోయింది.

తొలి టెస్టులోని రెండు ఇన్నింగ్స్ లో విఫలమైన రాహుల్ రెండో టెస్టులో అద్భుత శతకంతో రాణించాడు. అతనికి తోడుగా విరాట్ కోహ్లీ(78) రాణించడంతో టీమిండియా తేరుకుంది. అనంతరం రోహిత్ శర్మ(79) కూడా ఆకట్టుకున్నాడు. దీంతో టీమిండియా 87.2 ఓవర్లలో ఆరు వికెట్లు కోల్పోయి 319 పరుగులు చేసింది. శ్రీలంక బౌలర్లలో దామిక ప్రసాద్, హెరాత్ లకు తలో రెండు వికెట్లు లభించాయి.

రెండో టెస్టును కూడా గెలిచి సిరీస్ ను కైవసం చేసుకోవాలని ఉవ్విళ్లూరుతున్న లంకేయుల ఆశలపై భారత్ బాట్స్ మెన్లు నీళ్లు చల్లారు. విరాట్, రాహుల్ లు అడ్డుకున్నారు. వచ్చీ రావడంతో తన సహజసిద్ధమైన ఆట తీరుతో రెచ్చిపోయిన కోహ్లీ స్కోరు బోర్డును పరుగులు పెట్టించాడు. ఆ క్రమంలోనే హాఫ్ సెంచరీ మార్కును చేరుకున్నాడు. కాగా, కోహ్లీని హెరాత్ పెవిలియన్ కు పంపి మరోసారి టీమిండియాకు షాకిచ్చాడు. అయితే రెండో టెస్టులోనూ శతకం సాధించాలనుకున్న విరాట్ ఆశలపై నీళ్లు చల్లాడు. ఆ తరువాత వచ్చిన రోహిత్ శర్మ లంకేయుల ఆశలకు కళ్లెం వేశాడు. రోహిత్ కూడా రాణించడంతో తొలిరోజు టీమిండియాపై పైచేయి సాధించాలనుకున్న శ్రీలంక ఆశలకు బ్రేక్ పడింది.

జి. మనోహర్