రిటైర్మెంట్ ముందు నిరాశపర్చిన సంగక్కర

Posted: 08/14/2015 06:42 PM IST

Kumara sangakkara disappionted in galle test

శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ ముగిసీ ముగియగానే శ్రీలంక బ్యాటింగ్ దిగ్గజం కుమార సంగక్కర తన రిటైర్మంట్ ను ప్రకటించనున్నారు. ఈ విషయాన్ని ఇంతకు ముందే ఆయన వ్యక్త పర్చారు. భారత్ తో తొలి టెస్టు ముగియగానే అంతర్జాతీయ టెస్టు క్రికెట్‌కు ఆయన వీడ్కోలు పలకనున్నాడు. సుమారు పదిహేనేళ్ల క్రితం 2000లో శ్రీలంకలోని గాలె వేదికగా సౌతాఫ్రికాతో జరిగిన టెస్టులో అరంగేట్రం చేసిన సంగక్కర.. తాను ఏ వేదికగా జట్టులోకి వచ్చి చేరాడో.. అదే వేదిక వద్ద తన క్రికెట్ కెరీర్‌కు సంగక్కర ముగింపు పలకనున్నాడు.

వికెట్ కీపర్, బ్యాట్స్ మన్, కెప్టెన్ ఇలా ఏ పని చేపట్టినా చిత్తశుద్ధిని నిరూపించుకున్న సంగక్కర 132 టెస్టు మ్యాచ్‌లు ఆడాడు. టెస్టుల్లో 38 సెంచరీలు, 52 అర్థ సెంచరీలతో మొత్తం 12,305 పరుగులు సాధించాడు. టెస్టుల్లో 179 క్యాచ్‌లు పట్టిన సంగక్కర, 20 స్టంపింగ్‌లు చేశాడు. దిగ్గజ క్రికెటర్‌గా మన్ననలందుకున్న సంగక్కరకు ఘనంగా వీడ్కోలు పలికేందుకు లంక క్రికెట్ బోర్డు సన్నాహాలు చేస్తోంది. అయితే భారత్ తో జరిగిన చిట్టచివరి టెస్టు మ్యాచ్ లో సంగక్కర తన అభిమానులను, లంక క్రికెట్ ప్రియులను నిరాశపర్చాడు. భారత్ తో జరిగిన తొలి ఇన్నింగ్స్ లో కేవలం ఐదు పరుగులు చేసిన సంగక్కర రెండో ఇన్నింగ్స్ లో 40 పరుగులతో కాస్త పరువాలేదనించాడు. అయితే అయన అభిమానులు మాత్రం సంగక్కర్ శతకాన్ని బాదుతాడని గంపెడాశతో ఎదురుచూసినా.. అది సాధ్యపడకపోవడంతో నిరాశ చెందారు.

జి మనోహర్