క్వార్టర్స్, సెమీ ఫైనల్స్ లో ఎవరితో ఎవరు..? ఎక్కడ..?

Posted: 03/15/2015 07:48 PM IST

ప్రపంచకప్ క్రికెట్ టోర్నమెంటులో తొలి అంకానికి ఇవాళ జరిగిన మ్యాచ్ లతో ముగింపు పలకగా, రెండో అంకానికి తెర లేసింది. కీలకమైన నాకౌట్ పోరుకు క్వార్టర్ ఫైనల్స్ కు చేరిన ఎనమిది జట్లు సిద్దం కానున్నాయి  ఈ నెల 16, 17 విశ్రాంతి దినాలు.  18 నుంచి క్వార్టర్స్ మ్యాచ్లు జరగనున్నాయి. ఆ తర్వాత సెమీస్ మ్యాచ్లు.. 29న గ్రాండ్ ఫైనల్ జరగనుంది. ఈ మెగా ఈవెంట్లో 14 జట్లు పాల్గొనగా 8 క్వార్టర్స్కు అర్హత సాధించాయి. లీగ్ దశలో డిఫెండింగ్ చాంపియన్ భారత్, ఆతిథ్య జట్టు న్యూజిలాండ్లు మాత్రమే ఓటమి లేకుండా అన్ని మ్యాచ్ల్లో విజయం సాధించాయి. గ్రూపు-ఎ టాపర్గా కివీస్, 'బి' టాపర్గా టీమిండియా నిలిచాయి. ఉపఖండం జట్లు భారత్, పాక్, లంక, బంగ్లాదేశ్ నాకౌట్కు అర్హత సాధించాయి. అగ్రశ్రేణి జట్లలో ఇంగ్లండ్ మాత్రమే లీగ్ దశలో ఇంటిదారిపట్టింది. క్వార్టర్స్లో గ్రూపు-ఎ టాప్ 4 జట్లు.. గ్రూపు-బి టాప్ 4 జట్లతో తలపడనున్నాయి. కాబట్టి క్వార్టర్స్ ప్రత్యర్థులు లీగ్ దశలో ఒక్కసారి కూడా తలపడలేదు. క్వార్టర్స్ ఎవరు ఎవరితో తలపడతారంటే..

లంక - సౌతాఫ్రికా: ఈ నెల 18న అస్ట్రేలియాలోని సడ్నీలో జరిగే తొలి క్వార్టర్ ఫైనల్లో శ్రీలంక, సౌతాఫ్రికా పోటీపడనున్నాయి. షెడ్యూల్ ప్రకారం గ్రూపు-ఎ మూడో స్థానంలో ఉన్న లంక, గ్రూపు-బిలో రెండో స్థానంలో ఉన్న సౌతాఫ్రికా తలపడతాయి.

భారత్ - బంగ్లా: ఈ నెల 19న అస్ట్రేలియాలోని మెల్ బోర్న్ లోజరిగే రెండో క్వార్టర్స్లో ఉపఖండం జట్లు భారత్, బంగ్లాదేశ్ అమీతుమీ తేల్చుకున్నాయి. గ్రూపు-బి టాపర్ టీమిండియా, గ్రూపు-ఎ 4వ స్థానంలో ఉన్న బంగ్లా మధ్య పోరు జరుగుతుంది.

ఆసీస్ - పాక్: ఈ నెల 20న అస్ట్రేలియాలోని అడిలైట్ లోజరిగే మూడో క్వార్టర్స్లో ఆస్ట్రేలియా, పాకిస్థాన్లు తలపడనున్నాయి. షెడ్యూల్ ప్రకారం గ్రూపు-ఎ రెండో స్థానంలో ఉన్న ఆసీస్, గ్రూపు-బి మూడో స్థానంలో ఉన్న పాక్ పోటీపడతాయి.

కివీస్ - విండీస్: ఈ నెల 21న న్యూజీలాండ్ లోని వెల్లింగ్టన్ లో జరిగే చివరి, నాలుగో క్వార్టర్ ఫైనల్లో న్యూజిలాండ్, వెస్టిండీస్ తలపడనున్నాయి. షెడ్యూల్ ప్రకారం గ్రూపు-ఎ టాపర్ కివీస్, గ్రూపు-బి నాలుగో స్థానంలో ఉన్న విండీస్ మధ్య మ్యాచ్ జరుగుతుంది.

తొలి క్వార్టర్ ఫైనల్ లో తలపడి శ్రీలంక, సౌత్ అఫ్రికా జట్లలో గెలుపోందే జట్లు మూడో క్వార్టర్ ఫైనల్ లో తలపడే అసీస్, పాక్ లలో గెలిచే జట్లతో ఈ నెల 24న న్యూజీలాండ్ లోని అక్లాండ్ లో తొలి సెమీఫైనల్ లో తలపడనున్నాయి. కాగా రెండో క్వార్టర్ లో తలపడనున్న భారత్, బంగ్లాదేశ్ జట్లలో గెలుపోందే జట్టు. కివీస్, విండీస్ మధ్య జరిగే క్వార్టర్ ఫైనల్ లో గెలిచే జట్టుతో ఈ నెల 26న అస్ట్రేలియాలోని సిడ్నీలో రెండో సెమీ ఫైనల్ తలపడనున్నాయి. సెమీస్ లో గెలిచే జట్లు 29న ఫైనల్ మ్యాచ్ జరగనున్నాయి.

జి మనోహర్