కేరళ బ్లాస్టర్స్ గా సచిన్ జట్టు

Posted: 05/27/2014 06:35 PM IST

సుదీర్ఘ కాలం పాటు క్రికెట్ కి సేవలు అందించి రిటైర్మెంట్ ప్రకటించిన మాస్టర్ బ్లాస్టర్ సచిన టెండూల్కర్ ఇటీవలే జరిగిన ఇండియన్ ఫుట్ బాల్ లీగ్ వేలంలో కొచ్చి ఫ్రాంచైజీని సొంతం చేసుకున్న ఈ క్రికెట్ దిగ్గజం తన జట్టుకు నేడు నామకరణం చేశాడు. కేరళ ముఖ్యమంత్రి వుమెన్ ఛాందీతో సచివాలయంలో భేటీ అయిన తరువాత, జట్టు పేరు పై ఆయనతో చర్చించిన సచిన్ ‘కేరళ బ్లాస్టర్స్ పుట్ బాల్ క్లబ్ ’ అని పెట్టినట్లు తెలిపాడు.

ఈ భేటీ అనంతరం వుమెన్ చాందీ మీడియాకు అధికారికంగా ప్రకటించారు. త్వరలో ఈ లీగ్ ప్రారంభం కాబోతుంది. సచివాలయంలో తనను కలిసిన సచిన్ తో చాందీ వచ్చే ఏడాది కేరళలో జరగబోయే 35 జాతీయ క్రీడలకు గుడ్ విల్ అండాసిడర్ గా వ్యవహరించమని అడిగితే దానికి సచిన్ అంగీకరించినట్లు సమాచారం.