7పీఎల్ వాయిదాకు ధోనీ కారణమా ?

Posted: 01/11/2014 04:24 PM IST

భారత్ లో అంత్యంత ప్రాచుర్యం పొందిన ఐపీఎల్ టోర్నీకి ధీటుగా యునైటెడ్ అరబ్ ఎమిరేట్స్ కి చెందిన కార్పోరేట్ సంస్థ 7 ప్రీమియర్ లీగ్ (7పీఎల్) పేరుతో టోర్నీని ప్రారంభించబోతున్నట్లు వార్తలు వచ్చిన విషయం తెలిసిందే.  ఈ టోర్నీలో ఏడు జట్లు పాల్గొనడమే కాకుండా, 7 ఓవర్లతో, ఏడుగురు ఆటగాళ్ళు మాత్రమే పాల్గొంటారని చెప్పి షెడ్యూలును కూడా ప్రకటించారు. కానీ ఇప్పుడు ఈ టోర్నీ వాయిదా వేసినట్లు ఆ సంస్థ నిర్వహకులు చెప్పారు. కొన్ని అనివార్య కారణాల వల్ల ఈ టోర్నీని వాయిదా వేసిస్తున్న ప్రకటించిన వారు ఈ టోర్నీ ఎప్పుడు ప్రారంభం అవుతుందన్నది తేదీలు ఖరారు అయిన తరువాత తెలుపుతామని తెలిపింది.

ముందు ప్రకటించిన తేదీల ప్రకారం ఈ టోర్నీ ఈనెల 9వ తేదీనే ప్రారంభం కావాల్సి ఉంది. ఇక్కడ గమనించాల్సిన విషయం ఏంటంటే... ఈ టోర్నీలో ధోనికి అత్యంత సన్నిహితుడు, రితి స్పోర్ట్స్ మేనేజ్ మెంటులో ఒకరు ఆ టోర్నీలో భాగసామ్యుడిగా ఉండటంతో దీని పై అభ్యంతరాలు వ్యక్తం అయ్యాయి. ధోనీ ఫ్రెండ్ కాదు ధోనీనే ఆ టోర్నీలో పెట్టుబడులు పెట్టారని వార్తలు రావడంతో తాత్కాలికంగా దీనిని వాయిదా వేసి ఉంటారని అంటున్నారు.