వింబుల్డన్ లో హల్ చల్ చేసిన సచిన్, కోహ్లీ..

Posted: 07/10/2015 08:51 PM IST

వాళ్లు భారత బ్యాటింగ్ దిగ్గజాలు. వాళ్లు ఎక్కడ మ్యాచ్ అడుతున్నా.. అక్కడ వేల సంఖ్యలో జనం ప్రత్యక్షంగా వీక్షిస్తారు. ఇక టీవీ పెట్లలో, ఇంటెర్ నెట్ లలో చూసే వారి సంఖ్య లక్షలు దాటుతుంది. అలాంటి ఇద్దరు క్రికెటర్లు. అందునా తమ కంటూ క్రికెట్ చరిత్రలోనే ప్రత్యేక పేజీలను రాసుకున్న వాళ్లు సాధారణ ప్రేక్షకుల మాదిరిగా మ్యాచ్ చూసేందుకు హాజరయ్యారు. అయితే ఇన్నాళ్లు వింబుల్డన్ మ్యాచ్ లకు లేని కొత్త కళ, కాంతి ఇవాళ్టి సెమీ ఫైనల్స్ మ్యాచ్ లకు సంతరించుకుకోవడంతో.. తొలిసారిగా కోర్టులో మ్యాచ్ జరుగుతున్నంత సేపు. కోర్టు బయట రెండు చోట్ల సెలబ్రిటీలను చూస్తూ అక్కడి ప్రేక్షకులు ఉబ్బితబ్బియ్యారు. ఇంతకీ వారెవరు అంటారా..?

వారే భారత బ్యాటింగ్ లెజెండ్ సచిన్ టెండుల్కర్, టెస్టు జట్టు కెప్టెన్ విరాట్ కోహ్లీ. శుక్రవారం నోవాక్ జోకోవిచ్, రిచర్డ్ గాస్క్వెట్ ల మధ్య జరుగుతున్న పురుషుల సింగిల్స్ తొలి సేమిస్ మ్యాచ్ ను వారు సాధరణ ప్రేక్షకుల మాదిరిగా హాజరయ్యారు. సచిన్ వెంట ఆయన సతీమణి అంజలి, విరాట్ కోహ్లీ వెంట ఆయన ప్రియురాలు, బాలీవుడ్ నటి అనుష్క శర్మలు కూడా మ్యాచ్ వీక్షించేందుకు కిక్కిరిసన స్టేడియం మధ్య ఆసీనులై మ్యాచ్ ను తిలకించారు. అయితే వారు ఆసీనులై మ్యాచ్ ను వీక్షిస్తున్న ఫోటోలను వింబుల్డన్ అధికారిక ట్విట్టర్ లో పోస్ట్ చేశారు.

జి. మనోహర్