'మెగా నరకం'

Posted: 07/18/2013 12:35 PM IST

స్వర్గం ఎక్కడుందో చాలా మంది బహిరంగంగా చెప్పలేరు గానీ, మెగా నరకం మాత్రం తమ కళ్ళ ముందే ఉందని భాగ్యనగర పౌరులు ఘంటాప దంగా చెప్పగలుగుతారు. వానాకాలం వచ్చిం దంటే చాలు పాఠశాలలకు వెళ్ళే చిన్నారుల్లో భయం, పాదచారుల్లో ఆందోళన, వాహన చోద కులలో కనబడని ఉత్కంఠ. ఈ దుస్థితి రాజధాని హైదరాబాద్‌లో గత రెండు దశాబ్దాలుగా ఉన్నప్పటికీ గత నాలుగు రోజులుగా ఎడతెరిపిగా కురి సిన వర్షాలకు మెగాసిటీ పౌరులు ఎన్ని రకాల ఇబ్బందులు ఎదుర్కొన్నారో పాలకులకు సైతం స్పష్టంగా తెలుసు. ముందస్తు జాగ్రత్తలు తీసుకోని కారణంగా వర్షాకాలంలో వచ్చిపడే ఇబ్బందులకు శాశ్వత పరిష్కారం కనుగొనలేక హైదరాబాద్‌ నగర పాలకమండలి, ఆ మాటకొస్తే రాష్ట్ర ప్రభుత్వం కూడా నగరంలో కనీస వసతులు కల్పించడంలో ఘోరంగా విఫలమవుతున్నాయన్నది సుస్పష్టం.

 

చిరు జల్లుకే ప్రధాన రహదారులకు సైతం చిల్లులు పడడం, వీటి ద్వారా ఉదయం ఎనిమిది గంటల సమ యానికే బాలబాలికలు వారివారి పాఠశాలలకు సకాలంలో చేరుకోలేని అవస్థను ఎదుర్కోవడం, వాహన చోదకులు నిర్ణీత గడువులో కార్యాలయాలకు చేరుకోలేక పోవడంతోపాటు ఏ క్షణాన ప్రమాదం జరుగుతుందోనన్న భయం, వ్యాపారస్థులు సకాలంలో తమ దుకాణాలను తెరవలేని పరిస్థితి నెలకొంది. ఇంత జరుగుతున్నా మహానగర పాల కమండలి అధికారులుగానీ, రాష్ట్ర రహదారులు, భవనాల శాఖ వారు గానీ తక్షణమే మరమ్మతులు చేపట్టకపోవడం అభ్యంతరకరం. వాన వెలిసిన తర్వాత రహదారుల మర మ్మతులు చేపడతామని జిహెచ్‌ఎంసి ఉన్నతాధి కారులు ప్రకటనలు చేయడం పరిపాటిగా మారింది. ఇక చిత్తడి చేస్తున్న ఈ వర్షాల వల్ల పారి శుద్ధ్య సిబ్బంది కూడా నిమ్మకునీరెత్తినట్లుగా వ్యవహరించడంతో నగరంలోని అనేక ప్రాంతాల్లో చెత్తా చెదారం, మురుడు దర్శనమిచ్చి పౌరులను అనారోగ్యంపాలు చేస్తున్నప్పటికీ సంబంధిత అధికారులు ఎలాంటి చర్యలు చేపట్టని పరిస్థితి నెలకొంది.