Posted: 03/08/2013 05:24 PM IST

స్వయం సహాయక సంఘాల్లో 60 సంవత్సరాలు దాటిన సభ్యులకు ప్రతి నెలా పింఛన్ ఇచ్చి ఆదుకుంటామని 'అభయం' ఇచ్చిన రాష్ట్ర సర్కార్ ఆచరణలో విఫలమైంది. డ్వాక్రా సంఘాల్లోని సభ్యులకు పింఛన్లు ఇవ్వాలని 2009లో ప్రభుత్వం అభయహస్తం పథకాన్ని ప్రవేశపెట్టింది. ఎన్నికల కోడ్ ఉండటంతో కొన్నాళ్లు పాటు ఈ పథకాన్ని వాయిదా వేశారు. అనంతరం ఈ పథకం అమలులోకి వచ్చినప్పటికీ నుంచి జిల్లాలో 1.19 లక్షల మంది మహిళలను అభయహస్తం పరిధిలోకి తెచ్చారు. ఇందులో ప్రస్తుతం పింఛన్లు పొందుతున్న వారు 10,380 మంది ఉన్నారు. కొత్తగా ఈ సంవత్సరంలో మరో 255 మంది 60 సంవత్సరాలు దాటిన స్వయం సహాయక సంఘాల సభ్యులకు మంజూరు చేశారు. వీరికి త్వరలోనే పింఛన్లు అందించేందుకు అధికారులు చర్యలు తీసుకుంటున్నారు.