Posted: 03/08/2013 06:45 PM IST

సుమోలు గాల్లోకి లేవడం, భయంకరమైన యాక్షన్‌ సన్నివేశాల సినిమాలు తీయలేనని దర్శకులు కె.విశ్వనాథ్‌ చెప్పారు. తనకు తెలిసింది సంసృ్కతి, సంప్రదాయాల మేళవింపును ప్రేక్షకులకు అందించే సినిమాలే చేయడం తెలసని కళాతపస్వీ స్పష్టం చేశారు. నంది ఆడియోస్‌ ఆధ్వర్యంలో ‘ఓం నమఃశివాయ’ ఆడియో సీడి ఆవిష్కరణ మహోత్సవం  రవీంద్రభారతి కాన్ఫరెన్స్‌హాలులో జరిగింది. కామకొలను అనంత్‌కుమార్‌ రచించి, స్వరపరిచిన గీతాల కృతిని రాష్ట్ర సాంసృ్కతిక మండలి చైర్మన్‌ ఆర్‌.వి.రమణమూర్తి ముఖ్యఅతిథిగా విచ్చేసి ఆవిష్కరించారు.  విశిష్ట అతిథిగా విచ్చేసిన విశ్వనాథ్‌ మాట్లాడుతూ యువకల్లో భక్తిభావం కలిగివుందనడానికి యువకుడు అనంత్‌కుమార్‌ రూపొందించిన ఈ భక్తి గీతాల కృతే నిదర్శనమన్నారు. అదేవిధంగా తానెప్పుడు సంప్రదాయం, భక్తిభావమైన సినిమాలే తీసానని, భారీ యుద్దాలు సినియా చేయలేనని ఆయన స్పష్టం చేశారు. సభాధ్యక్షత వహించిన ముఖ్యసలహాదారు కె.వి.రమణాచారి మాట్లాడుతూ శివరాత్రి మహాపర్వదినానికి ముందు ‘ఓం నమఃశివాయ’ ఆడియో ప్రారంభోత్సవం జరగడం శివుడ్ని జపించినట్లుగా ఉందన్నారు. శివరాత్రి వేడుకలకు ఈ పాటలు హారతులు పట్టాలని ఆయన ఆకాంక్షించారు. రాష్ట్ర దేవాదాయ శాఖ కమీషనర్‌ జి.బలరామయ్య సిడి రూపకర్త కామకొలను అనంత్‌కుమార్‌ను అభినందించారు.