Posted: 01/05/2013 04:50 PM IST

       ఆరాధన సాంస్కృతిక సంస్థ ఆధ్వర్యంలో టీవీ న్యూస్ రీడర్స్ 2012 పురస్కారాల ప్రదానం, సీనియర్ న్యూస్ రీడర్‌కు స్వర్ణపతక బహూకరణ కార్యక్రమం చిక్కడపల్లి శ్రీ త్యాగరాయ గానసభలో ఘనంగా జరిగింది. ఈ కార్యక్రమానికి ముఖ్య అతిథిగా పాల్గొన్న పొట్టిశ్రీరాములు తెలుగు విశ్వవిద్యాలయం పూర్వ ఉపకులపతి ఆచార్య ఎన్.గోపి పురస్కార గ్రహీతలను  కొనియాడారు.
         ఈ సందర్భంగా సాక్షి టీవీ సీనియర్ న్యూస్ రీడర్ డీవీఎన్ కిషోర్ కు కోటా విజయలక్ష్మి సౌజన్యంతో ఏర్పాటు చేసిన స్వర్ణ పతకాన్ని బహూకరించారు. సాక్షి టీవీ న్యూస్‌రీడర్ బి.కల్పనారెడ్డికి ఉత్తమ న్యూస్ రీడర్ పురస్కారం దక్కింది. దూరదర్శన్‌తో పాటు వివిధ తెలుగు టీవీ చానల్స్‌కు చెందిన 14 మంది న్యూస్ రీడర్లకు అవార్డులను అందించారు. వీరిలో కోట మాధవీలత, సోమరాజు, జి.నేత్ర, కె.సుమిత్ర, బి.సుజిత, అంబిక, సి.ప్రతిభ, అల్లంరాజు ప్రతిభ, బి.కల్పన, సిహెచ్ ఫణిమోహన్, సిహెచ్ నరేష్ చౌదరి, కె.కృష్ణవేణి, తేజశ్విని, ఐశ్వర్య, ఐ.సత్యవాణిలకు టీవీ న్యూస్ రీడర్స్ 2012 పురస్కారాలు ప్రదానం చేశారు. ఎం.రమణాచారి వ్యాఖ్యాతగా వవహరించారు.
        సభకు ముందు శృతిలయ ఆర్ట్స్ వారిచే అభినందన మాందారమాల అనే శీర్షికన నిర్వహించిన సినీ సంగీత విభావరి ఆహూతులను అలరించింది.

...avnk