Posted: 12/14/2012 01:04 PM IST

 

       పల్లెల్లో సైతం ప్రజలు భిక్కుభిక్కుమంటూ బ్రతకాల్సిన పిదపకాలం దాపురించింది. ఇవాళ పశ్చిమ గోదావరి జిల్లాలో సినీఫక్కీలో దుండగులు భారీ చోరీకి పాల్పడ్డారు. అత్తిలి మండలం పాలి గ్రామంలో ఆదాయపన్ను శాఖ అధికారులమంటూ సూర్యభాస్కర్ రెడ్డి అనే రైతు ఇంట్లోకి చొరబడ్డారు. వంద తులాల బంగారం, రూ.50 వేల నగదుతో ఇన్నోవా వాహనంలో పరారయ్యారు. బాధితుల ఫిర్యాదుతో పోలీసులు కేసు నమోదు చేసి దర్యాప్తు చేపట్టారు. దుండగుల కోసం గాలింపు చర్యలు ముమ్మరం చేశారు. ఈ ఘటన అటు జిల్లా వాసులనే కాదు రాష్ట్ర ప్రజలను సైతం దిగ్ర్భాంతికి గురిచేస్తోంది.       
       ఈ నేపధ్యంలో రాజధానిలోని ఐటీ విభాగం ప్రజానీకానికి ఓ ప్రకటన జారీ చేసింది. ఆదాయపు పన్ను అధికారులమంటూ ఎవరైనా వస్తే వారినుంచి తగిన సాక్ష్యాధారాలు, ఐడీ కార్డులు క్షుణ్ణంగా పరిశీలించిన మీదటే వారికి సహకరించాలని సూచిస్తోంది.  అనుమానం వస్తే వెంటనే తమ ద్రుష్టికి తేవాలని కోరింది.