Posted: 12/13/2012 07:27 PM IST

       దివంగత నేత నాభర్త ఎన్టీఆర్ మృతికి కారణమైన చంద్రబాబు, పురందేశ్వరీలకు ఆయన పేరుఎత్తే అర్హతలేదని లక్ష్మీపార్వతి అన్నారు. జూబ్లీహిల్స్‌ లోని ఆమె నివాసంలో వారిపై ఆగ్రహం వ్యక్తం చేశారు. పార్లమెంటులో ఎన్టీఆర్ విగ్రహం ఏర్పాటుకు మేము ప్రయత్నిస్తున్నామంటూ ఇరువురు మాట్లాడుతూ రాజకీయంగా వాడుకొవడానికి హైరానా పడుతున్నారని విమర్శించారు. చంద్రబాబు ఎన్టీఆర్‌కు ఎంత అన్యాయం చేశారో పురందేశ్వరీ కూడా అంతే అన్యాయం చేశారన్నారు. ఆనాడు వైశ్రాయ్ హోటల్ వద్ద ఎన్టీఆర్‌పై జరిగిన వెన్నుపోటుకు పురందేశ్వరీ మద్దతు ప్రకటించిందన్నారు. ఎన్టీఆర్‌కు ద్రోహం చేసిన వారు విగ్రహం ఏర్పాటుపై రద్దాంతం చేస్తున్నారన్నారు. పార్లమెంటులో ఎన్టీఆర్ విగ్రహం ఏర్పాటు విషయంలో భార్యగా తన సంతకం అవసరం లేదా అని ప్రశ్నించారు. ఈ విషయంపై పార్లమెంట్ స్పీకర్ మీరాకుమారికి లేఖ రాయనున్నట్లు చెప్పారు.

...avnk