Posted: 10/20/2012 03:32 PM IST

నగరంలో కొత్త తరహా ఫ్లైఓవర్ నిర్మాణాలు చేపట్టనున్నారు. టోలీచౌకీ, బాలానగర్, అంబర్‌పేట్‌లలో ఫ్లైఓవర్ల నిర్మాణానికి ఇదివరకే సమగ్ర ప్రాజక్టు నివేదికలు పూర్తయిన విషయం తెలిసిందే. ఇందులో ప్రస్తుతానికి టోలీచౌకీ ఫ్లైఓవర్‌కు మోక్షం లభించింది. దీన్ని జీహెచ్‌డీపీ(క్షిగేటర్ హైదరాబాద్ డెవలప్‌మెంట్ ప్రోగ్రాం) కింద జీహెచ్‌ఎంసీ చేపట్టనుంది. దాదాపు 700 మీటర్ల పొడవున ఆరులేన్లతో కూడిన ఈ భారీ ఫ్లైఓవర్ నిర్మాణ వ్యయం 3.91 కోట్లుగా అంచనా వేశారు. దీనికోసం 25-30 వరకూ ఇళ్లను తొలగించాల్సి రావడంతో భూసేకరణ కోసం మరో రూ.20 కోట్ల వరకూ అదనంగా ఖర్చవుతోంది. స్టూప్ కన్సప్టూంటు సంస్థ ఇదివరకే నమూనా రూపొందించడంతో అధికారులు ప్రస్తుతం టెండర్ల ప్రక్రియ చేప ఏర్పాట్లు చేస్తున్నారు. అయితే ఈ ఫ్లైఓవర్‌కు టోలీచౌకీ చౌరస్తాలోని ఆలయం అడ్డుగా రావడంతో ప్రత్యామ్నాయంగా అధికారులు స్లిట్ టైప్(ఫ్లైఓవర్ మధ్యలో చీలిక ఉండేలా) నమూనాను రూపొందించారు. అంటే ఫ్లైఓవర్ రెండు చివర్లా మామూలుగానే ఉంటూ మధ్యలో గుడివున్న ప్రాంతంలో రెండుగా చీలిపోతుంది. మొదట ఆలయం పైనుంచి నిర్మించాలని భావించినప్పటికీ ఆలయంపై వాహనాల నీడ పడకూడదనే సంప్రదాయం ప్రకారం ఫ్లైఓవర్‌ను రెండుగా విడగొట్టినట్లు అధికారులు తెలిపారు. అంటే ఆలయానికి ఎటువంటి నష్టమూ జరుగకుండా ఫ్లైఓవర్ నిర్మాణం జరుగుతుందన్నమాట. వాహనాల రాకపోకలు ఫ్లైఓవర్‌పై గుడికి ఇరువైపుల నుంచి జరుగుతాయి. సరిగ్గా ఆలయం ఉన్న ప్రాంతంలో ఫ్లైఓవర్ రెండుగా చీలిపోతుంది. మళ్లీ ఆలయం దాటగానే యథావిధిగా కలిసిపోతుంది. ఆలయానికీ, ఫ్లైఓవర్‌కూ కనీసం మీటర్ వరకూ స్థలం ఉండేలా డిజైన్ చేసినట్లు అధికారులు తెలిపారు. ప్రస్తుతం నగరంలో మలక్‌పేట్, గ్రీన్‌పార్క్‌ల వద్ద ఫ్లైఓవర్లు విభిన్న తరహాల్లో నిర్మించగా, వాటికి కూడా భిన్నంగా తాజాగా టోలీచౌకీలో నిర్మించనున్నారు. ఈ తరహా ఫ్లైఓవర్ ఇప్పటికే పూణేలో నిర్మించినట్లు అధికారులు తెలిపారు.         వాస్తవానికి ట్రాఫిక్ సమస్యను అధిగమించే ఉద్దేశంతో నగరంలోని పలు రద్దీ ప్రాంతాల్లో ఫ్లైఓవర్ల నిర్మాణానికి గతంలోనే జీహెచ్‌ఎంసీ అధికారులు ప్రతిపాదనలు సిద్ధం చేశారు. వీటిలో గ్రేటర్ హైదరాబాద్ డెవలప్‌మెంట్ ప్రొగ్రాం(జీహెచ్‌డీపీ) కింద ముందుగా బాలానగర్, టోలీచౌకీ, అంబర్‌పేట్‌లలోని మూడింటిని చేప డీపీఆర్‌లు రూపొందించారు. ఇందులో బాలానగర్, టోలీచౌకీలో ఫ్లైఓవర్లు ప్రతిపాదించిన ప్రాంతాలు ఆర్ అండ్‌బీ శాఖ పరిధిలో, అలాగే అంబర్‌పేట్‌లో ప్రతిపాదిత ప్రాంతం జాతీయ రహదారుల శాఖ పరిధిలో ఉండడంతో వారి అనుమతులు తీసుకోవాల్సిన ఆవశ్యకత ఏర్పడింది. ఇందులో ప్రస్తుతానికి టోలీచౌకీ ఫ్లైఓవర్ నిర్మించేందుకు అధికారులు టెండర్ల ప్రక్రియ మొదలుపెడుతున్నారు.

...avnk