మూడో ముచ్చట తీర్చుకోనున్న నయన..

Posted: 03/12/2015 01:42 PM IST

మూడుపదుల ముద్దుగుమ్మ నయనతార తన సెకండ్ ఇన్నింగ్స్ సక్సెస్ ఫుల్ గా బాగానే రన్ చేస్తోంది. తెలుగులో తన జోరును తగ్గించిన ఈ అమ్మడు.. తమిళంలో మాత్రం యువహీరోల నుంచి స్టార్ హీరోలదాకా అందరితోనూ జతకడుతూ దూసుకుపోతోంది ఈ సెక్సీ భామ! పైగా ఈమె నటించిన సినిమాలన్నీ హిట్టవడంతో ఇంకా అవకాశాలు వస్తూనే వున్నాయి. ఈ నేపథ్యంలోనే ఈమెకు మరో భారీ ఆఫర్ వరించింది. ఆ మూవీతో ఈమె తన మూడో ముచ్చటను తీర్చుకోనుందని కోలీవుడ్ సమాచారం!

ఒకే హీరో, ఒకే హీరోయిన్, ఒకే దర్శకుడు.. ఇలా ఒకే కాంబినేషన్లో మూడు సినిమాలు రావడం ప్రస్తుత రోజుల్లో చాలా అరుదు! మహా అయితే రెండు సినిమాలు రావొచ్చుగానీ హ్యాట్రిక్ అంటే కాస్త కష్టమే! అయితే.. తాజాగా అటువంటి అరుదైన హ్యాట్రిక్ కోలీవుడ్ లో చోటు చేసుకోబోతోంది. ‘థలా’ అజిత్, నయనతార, దర్శకుడు విష్ణువర్ధన్ కాంబినేషన్ ఇప్పుడు ముచ్చటగా మూడోసారి కలవనుంది. మొదట్లో ఈ ముగ్గురి కాంబోలో ‘బిల్లా’ సినిమా వచ్చింది. అది మంచి విజయం సాధించి, నిర్మాతలకు కాసుల వర్షాన్ని కురిపించింది. ఆ తర్వాత వచ్చిన ‘ఆరంభం’ ఏకంగా 100 కోట్ల క్లబ్ లోకి చేరిపోయింది. ఇప్పుడు వీళ్లు ముగ్గురు మూడోసారి కలిసి ఓ చిత్రాన్ని నిర్మించేందుకు ప్రయత్నాలు చేస్తున్నట్లు కోలీవుడ్ లో వార్తలు వస్తున్నాయి. త్వరలోనే ఈ మూవీకి సంబంధించి వివరాలు వెలువడికానున్నాయి.

ఇదిలావుండగా.. ప్రస్తుతం శివ దర్శకత్వంలో ఏ.ఎం.రత్నం నిర్మించే ఓ చిత్రం కోసం హీరో అజిత్ రెడీ అవుతున్నాడు. ఈ ప్రాజెక్ట్ ముగియగానే ఆ హ్యాట్రిక్ కాంబో సెట్స్ పైకి వెళుతుంది. అలాగే.. ఇతర సినిమాలతో బిజీగా వున్న నయనతార.. ఆ మూవీ కోసం ఇప్పటినుంచే తన డేట్స్ ని అడ్జస్ట్ చేసే పనిలో నిమగ్నమైందని అంటున్నారు.