మిల్కీబ్యూటీ.. అసలు రహస్యం అదేనా?

Posted: 01/18/2015 01:48 PM IST

Tamanna bhatia increasing her weight for kollywood movie offer

మిల్కీబ్యూటీ తమన్నాకు సంబంధించి తాజాగా ఓ రహస్యం వెలుగులోకి వచ్చింది. ఇన్నాళ్లూ దాచిపెట్టుకున్న తన సీక్రెట్’ని.. ప్రేక్షకులకు ఓ క్లూ ద్వారా బహిర్గతం చేసింది. ఆ క్లూ మరేమిటో కాదు.. స్వయానా తమన్నాయే! నిన్నమొన్నటివరకు సన్నజాజి ముద్దుగుమ్మలా కనువిందు చేస్తూ ఊరించిన ఈ అమ్మడు.. ఇటీవలే ఓ ఆడియో ఫంక్షన్’లో కాస్త బొద్దుగా తయారై తెరమీదకొచ్చింది. దీంతో ఆమెను చూసిన ప్రేక్షకులు ఒక్కసారిగా షాకయ్యారు. ఇంతలా ఆమె బాడీలో మార్పు ఎలా వచ్చిందా..? అంటూ ఆరాతీస్తే అప్పుడు అసలు విషయం బయటపడింది.

గతకొన్నాళ్ల నుంచి తమన్నాకు తెలుగులో ఆఫర్లు తగ్గుముఖం పట్టిన విషయం తెలిసిందే! నిజానికి ఈ అమ్మడు తన స్టార్’డమ్’ను పెంచుకోవడానికి తెలుగు నుంచి బాలీవుడ్ రంగంలోకి దూకింది. అయితే అక్కడ వరుసగా పరాజయాలు రావడంతో ఆఫర్లు తగ్గాయి. ఆ క్రమంలో తెలుగులోనూ ఆఫర్లు మిస్ అయ్యాయి. పైగా ఈమె నటించిన ‘ఆగడు’ డిజాస్టర్’గా నిలవడంతో ఈమె కెరీర్ గాడిలో పడింది. దీంతో ఆఫర్లకోసం ఈ అమ్మడు వెతుక్కుంటూ కోలీవుడ్’కి వెళ్లింది. అయితే.. తమిళనాటలో సన్నగా వుంటే ప్రేక్షకులు అంతగా ఆసక్తి చూపరు. బొద్దుగా వున్న తారల మీదే ఎక్కువ ఇంట్రెస్ట్ చూపుతారు. కాబట్టి.. బొద్దుగా కనిపించాలనే ఉద్దేశంతో కావాలనే ఈ అమ్మడు తన ఒళ్లు పెంచే కార్యక్రమంలో ఫుల్ బిజీగా వుందని చెప్పుకుంటున్నారు.

tamanna-bhatia-photos-01

చాలావరకు కోలీవుడ్’లో వున్న తారలందరూ బొద్దుగానే వుంటారు. ఆమధ్య ఆఫర్లు రావడం లేదని హన్సిక తమిళంలో అడుగువేసింది. అయితే అక్కడి ప్రేక్షకుల మజాని పసిగట్టిన ఈ హాట్ తార.. కొద్దిరోజుల్లోనే బొద్దుగా తయారై వాళ్లను వేడెక్కించేసింది. ఈ దెబ్బతో అమ్మడు అక్కడ స్టార్ హీరోయిన్’గా వెలిగిపోయింది. ఈ తరహాలోనే చాలామంది తమ అదృష్టాన్ని పరీక్షించుకున్నవాళ్లే! ఇప్పుడు తాజాగా వీరి జాబితాలో తమన్నా కూడా చేరిపోయింది. మరి.. ఇలా బొద్దుగా తయారైన మిల్కీని అక్కడి ప్రేక్షకులు ఎలా ఆదరిస్తారో వేచి చూడాలి. ఇటు టాలీవుడ్ పరిస్థితి ఏంటో మరి..!