గందరగోళంగా కెరీర్.., త్వరలో రిటైర్మెంట్

Posted: 11/27/2014 08:30 AM IST

సినిమా అనే రంగుల లోకం ఎప్పుడు ఎవరి జీవితాల్లో వెలుగులు నింపుతుందో.., ఎప్పుడు ఎవరిని రంగుల ప్రపంచం నుంచి బయటకు పంపిస్తుందో ఎవరూ ఊహించలేరు. ఇప్పుడు తమన్నా ఇదే తరహా పరిస్థితి ఎదుర్కుంటోంది. టాలీవుడ్ లో టాప్ స్టార్ హీరోయిన్ గా ఎదిగిన మిల్కి బ్యూటికి ఇప్పుడు ఆఫర్లు లేవు. తలుపు తడుతున్న కొన్ని చాన్సులు కూడా సంతకం చేసే లోపు.., మరొకరి ఇంటికి వెళ్ళిపోతున్నాయి. దీంతో ఇండస్ర్టీకి ఇక తమన్నా గుడ్ బై చెప్పేస్తుందా అని ఊహాగానాలు వస్తున్నాయి.

టాలీవుడ్ లో స్టార్ హీరోయిన్ గా పవన్ కళ్యాణ్, అల్లు అర్జున్, రామ్ చరణ్, ఎన్టీఆర్, ప్రభాస్ సహా ఇతర అగ్ర హీరోల సరసన నటించి మంచి పేరు తెచ్చుకుంది తమన్నా. మిల్కీ బ్యూటిగా ఈ అమ్మడు ఫ్యాన్ ఫాలోయింగ్ మెయిన్ టైన్ చేసింది. అయితే కొద్దికాలంగా తమన్నా టైం బ్యాడ్ అయింది. అరటి పండు తిన్నా పన్ను విరుగుతోంది అన్నట్లుగా., ఏం చేసినా రిజల్ట్ మాత్రం నెగెటివ్ గా వస్తుంది. ఈ మద్య వచ్చిన సినిమాలు ఫ్లాపు అయ్యాయి. తాజాగా భారీ ప్రాజెక్టు ‘బాహుబలి’ లో నటించిన తమన్నా.., షూటింగ్ మద్యలో సెలవులు తీసుకుంది. ఆ తర్వాత మళ్ళీ వచ్చి జాయిన్ అయి కొన్ని సన్నివేశాలు చేసింది. ఈ సినిమా తర్వాత తమన్నా చేతిలో ప్రాజెక్టులు లేవని తెలుస్తోంది. త్వరలో తెరకెక్కనున్న నాగార్జున-కార్తి మల్టీస్టారర్ సినిమాలో తమన్నా హీరోయిన్ అని ప్రకటించారు. అయితే అదంతా కేవలం పుకార్ల మహిహ అంటూ శృతి పేరును తెరపైకి తీసుకొచ్చారు. దీంతో తమన్నా ప్లేస్ లో ఈ ప్రాజెక్టులో శృతి నటిస్తుందని ఖాయం అయింది.

ఇక తమిళ ఇండస్ర్టీలో ఓ కుటుంబంతో ఉన్న విభేదాల కారణంగా మిల్కీ బ్యూటికి సినిమా చాన్సులు రావటంలేదు. కాని ఆర్య పిలిచి తన సినిమాలో చాన్స్ ఇవ్వటంతో సంతోషంగా చెన్నైకి వెళ్లిన తమన్నా ఈ సినిమాలో నటిస్తోంది. ఇప్పటివరకు న్న సమాచారం ప్రకారం.., ఈ మూవీ పూర్తయితే తెలుగు, తమిళంతో పాటు బాలీవుడ్ లో కూడా ఎలాంటి చాన్సులు లేవు. దీంతో తమన్నా కెరీర్ గందరగోళంలో పడిందని చెప్పవచ్చు. అదేవిధంగా ఈ మద్య వచ్చిన పెళ్లి పుకార్లు కూడా చాన్సులపై ప్రభావం చూపి ఉండవచ్చు. ఇండస్ర్టీలో ఓవర్ నైట్ స్టార్లు అయిన వారున్నారు. ఏళ్లుగా కష్టపడుతున్నా.., క్యారెక్టర్ ఆర్టిస్టు కాని వారు కూడా ఉన్నారు. అయినా సరే వీరు ఇండస్రీపై మక్కువ, సినిమాలపై ఆసక్తితో ఇంకా కొనసాగుతున్నారు. అయితే హీరోయిన్ల పరిస్థితి ఇందుకు పూర్తి డిఫరెంట్ గా ఉంటుంది. హీరోయిన్ గా నటించి.., పేరు, పాపులారిటి తెచ్చుకుని ఒక్కసారిగా చాన్సులు రాకపోతే ఎలా ఉంటుందో ఊహించుకోలేము. కాని కాలం ఎప్పుడూ ఒక్కరి వైపే ఉండదు, కాబట్టి ఇవన్నీ సహజమే అనుకోవాలి.

కార్తిక్