ఐరన్ లెగ్ దెబ్బకు మైండ్ బ్లాక్ అయింది

Posted: 11/25/2014 11:41 AM IST

టాలీవుడ్ సూపర్ స్టార్ మహేష్ బాబు పాపులర్ డైలాగులు తిరిగి తిరిగి ఆయనకే పంచులు వేస్తున్నాయి  కెరీర్ బ్లాక్ బస్టర్ ‘పోకిరి’లో ఎవుడు కొడితే దిమ్మతిరిగి మైండ్ బ్లాక్ అయిపోతుందో.., వాడే పండుగాడు అనే డైలాగ్ ఇప్పడు మహేష్ పైనే పేలుతోంది. ఎందుకంటే శృతి హాసన్ ఇచ్చిన దెబ్బకు బాబు అంత త్వరగా కోలుకోవట్లేదట. మహేష్ తాజా సినిమాలో శృతి నటిస్తున్న విషయం తెలిసిందే. పూణే షూటింగ్ సమయంలో మరో మూవీ షూటింగ్ ఉందని చెప్పి మద్యలోనే వెళ్ళిపోయి అందరికీ షాకిచ్చింది. తాజాగా ఈ ప్రాజెక్టు గురించి మరో షాకింగ్ న్యూస్ విన్పిస్తోంది.

మహేష్ బాబు తాజా ప్రాజెక్టు టెంపరరీగా ఆగిపోయినట్లు తెలుస్తోంది. అంతేకాకుండా సినిమానుంచి శృతి హాసన్ తప్పుుకుందనీ.., ఆమెస్థానంలో సమంతను హీరోయిన్ గా ఎంపిక చేసే అవకాశం ఉందని కూడా పుకార్లు ప్రచారంలో ఉన్నాయి. సమంత గతంలో ‘దూకుడు’ హిట్ పెయిర్ అనే చెప్పాలి. శృతి వెళ్ళటం.., సమంత రావటం ఎంతవరకు నిజమో చెప్పలేము కానీ., మూవీ యూనిట్ మాత్రం కమల్ కూతురు ఇచ్చిన షాక్ నుంచి కోలుకోలేదని తెలుస్తోంది.

కొరటాల శివ రెండవ సినిమాగా మహేష్ తో ఒక మూవీ చేస్తున్నారు. ‘ఆగడు’ ఫ్లాప్ తర్వాత హిట్ కొట్టాలనే కసితో ఉన్న మహేష్, డైరెక్టర్ గా నిరూపించుకునేందుకు వచ్చిన అవకాశం పూర్తిగా ఉపయోగించుకోవాలని శివ బాగా కష్టపడుతున్నారు. అయితే వీరికి హీరోయిన్ చుక్కలు చూపిస్తోంది. శృతి కారణంగా సినిమా ఆలస్యం కావటంతో పాటు.., ఫ్యాన్స్ చాలా నిరాశపడక తప్పదు. ప్రస్తుతం సినిమాషూటింగ్ ఆపేసినట్లు తెలుస్తుండగా.., ఎప్పుడు మొదలవుతుందో  త్వరలోనే తెలిసే అవకాశం ఉంది. ఇక శృతి హాసన్ తమిళంలో విజయ్ నటిస్తున్న ఫాంటసీ సినిమాలో హీరోయిన్ గా చేస్తోంది.

 

కార్తిక్