నైట్ పార్టీలో అతనితో శృతి లయతప్పిందా?

Posted: 03/06/2014 11:24 AM IST

Shruti haasan with music director anirudh hot romance

శృతి హాసన్ బాలీవుడ్ లో బిజీగా ఉందని అందరు అనుకున్నారు. కానీ ఆమె అర్థరాత్రి ముంబాయిలో ఫ్లైట్ ఎక్కి, చెన్నైలో ల్యాండైంది. ఇంత సడన్ గా శృతి హాసన్ ఎందుకు వచ్చిందని కోలీవుడ్ ఆరా తీస్తే.. కంటికి కనిపించిన రహస్యం ఒకటి బయటపడింది. శృతి హాసన్ అర్జంట్ గా వచ్చింది తండ్రి కమల్ హసన్ కోసం కాదట. యువ సంగీత దర్శకుడైన అనిరుద్ కోసం రావటం జరిగిందని కోలీవుడ్ వర్గాలు కోడైకూస్తున్నాయి.

అసలు ఇంతకీ ఈ మద్య జరిగింది? ఎందుకు శృతి హాసన్ అనిరుద్ వద్దకు వచ్చిందని లోతుగా పరిశీలించి చూస్తే నమ్మలేని నిజం చెన్నైవాసులకు తెలిసిపోయింది.గతంలో ధనుష్ హీరోగా నటించిన '3' సినిమాలో శృతి కథానాయికగా నటించింది.

ఆ సినిమా ద్వారానే శృతి హాసన్ కు అనిరుధ్ సంగీత దర్శకుడిగా పరిచయమయ్యాడు. అప్పుడే వీరి మధ్య స్నేహం మొగ్గ తొడిగిందనీ, ఇటీవల శృతి హాసన్ పిలిచి ప్రత్యేకంగా అనిరుధ్ ఓ పాట పాడించడంతో అది మరింత పెరిగిందనీ అంటున్నారు.

అందుకే, ఇటీవల ఇద్దరూ కలసి ఓ నైట్ పార్టీకి వెళ్లి చెట్టాపట్టాలేసుకుని ఫుల్ గా ఎంజాయ్ చేశారని చెప్పుకుంటున్నారు. ఆ సమయంలోని అనిరుత్ తో శృతి హాసన్ లయతప్పి ఉంటుందని కోలీవుడ్ వర్గాలు చెవులు కోరుక్కుంటున్నాయి.

-ఆర్ఎస్