విలన్ గా బాలచందర్

Posted: 01/20/2014 05:13 PM IST

ప్రముఖ దర్శకుడు బాలచందర్ విలన్ గెటప్ లో కనిపించబోతున్నారు. ఇంత మంచి సినిమాలు నిర్మించిన బాలచందర్ విలన్ గా నటించడానికి ఒక కారణముంది. ఎన్నో అద్భుత చిత్రారాజాలను రూపొందించిన బాలచందర్ తన శిష్యుడి కోరిక మేరకు చాలా కాలం తరువాత ముఖానికి రంగేసుకున్నారు. ఉత్తమ విలన్ సినిమాలో నటిస్తున్న ఈయనకు కమల్ హాసన్ అతి ప్రియమైన శిష్యుడు. ఈ సినిమాలో మరో విశేషం కూడా ఉంది. ప్రముఖ హీరో రమేష్ అరవింద్ ఈ సినిమాకు దర్శకత్వం వహిస్తున్నారు.

వినూత్నంగా రూపొందుతున్న ఈ సినిమాపై ఇప్పటికే తమిళనాట అనేక అంచనాలున్నాయి. ప్రసిద్ద దర్శకుడు బాలచందర్, కమల్ హాసన్ కలసి నటిస్తుండడం, దీనికి మరో హీరో దర్శకత్వ బాధ్యతలు నిర్వహిస్తుండడం విశేషం. అలాగే ఈ సినామా కోసం బాలచందర్ పొడవుగా గెడ్డం పెంచబోతున్నారని తెలుస్తోంది. ఇన్ని ప్రత్యేకతలు ఉన్న ఈ సినిమాపై మరి అంచనాలుండడం సహజమే కదా. కాగా ఈ సినిమా తెలుగులోకి అనువాదమై మనల్ని కూడా రంజింపజేస్తుందనడంలో ఎలాంటి సందేహం లేదు.