ఎవడుతో వెనక్కి తగ్గిన నేనొక్కడినే

Posted: 01/13/2014 03:31 PM IST

వన్ నెనొక్కడినే అంటూ వచ్చిన మహేష్ బాబు ఎవడు గా వచ్చిన రామ్ చరణ్ తో పోటీ పడలేకపోతున్నాడు.. వన్ విడుదలైన రోజున 8.40 కోట్ల షేర్ ను ఆంధ్ర ప్రదేశ్ లో సొంత చేసుకోగా, అది నెగిటివ్ టాక్ కారణంగా  రెండవ రోజుకు  కలెక్షన్లు కాస్త నెమ్మదించాయి. ఎ సెంటర్ల లో  మాత్రం సినమా నిలకడగా ఆడుతోంది. అయితే  12న విడుదలైన రామ్ చరణ్ సినిమా  ఎవడు విడుదలైన మొదటి రోజునే పాజిటివ్ టాక్ సొంతం చేసుకుని ముందుకు  దూసుకొళ్తోందని   విశ్లేషకులు అంటున్నారు. ప్రపంచ వ్యాప్తంగా అత్యధిక థియేటర్లలో వన్ విడుదలైనా ఎ క్లాస్ థియేటర్ ఆడియన్స్  ను మాత్రమే  ఆకట్టుకుంటోంది.. దీనికి కారణం ఈ సినిమా సైకలాజికల్ ధ్రిల్లర్ కావడమేనని తెలుస్తోంది.

అయితే నెనొక్కడినే లో మహేష్ నటనకు ప్రేక్షకుల నుండి అమిత మైన ప్రసంశలు అందుతున్నాయి. ఈ చిత్రంలో మహేష్ బాబు రాక్ స్టార్ గా కనిపిస్తూ  సైకలాజికల్ సమస్యను ఎదుర్కొంటుంటాడు. దీనిని  ప్రేక్షకులు అంతగా  రిసీవ్ చేసుకోలేక పోతున్నారనే వాదన ఉంది.  ఇక ఎవడు విషయానికి  వస్తే  విడుదలైన తొలిరోజునే  15 కోట్ల  రూపాయల  కలెక్షన్లను సొంతం చేసుకుంటందని అంచనాలు న్నా 8 కోట్లను మాత్రమే దక్కించుకోగలిగింది.

  అయినా  సినిమాలోని మాస్ మసాలా సీన్స్ ప్రేక్షకులను కట్టిపడేస్తాయనే అంచనాలున్నాయి. . పైగా ఈ సినిమాలో అల్లు అర్జున్ , కాజల్ అగర్వాల్ లు తళుక్కున మెరవడం  ప్లస్ పాయింట్ గా నిలవనుంది.. కాగా గతంలో సంక్రాంతి కానుకగా వచ్చిన మహేష్ బాబు సినిమాలు  సీతమ్మవాకిట్లో సిరిమల్లె చెట్టు, బిజినెస్ మాన్, ఒక్కడు బాక్సాఫీసు  వద్ద బ్రహ్మాండ మైన విజయాన్ని నమోదు చేసుకున్నాయి.

ఇక రామ్ చరణ్ విషయానికి వస్తే గత సంక్రాంతికి  విడుదలైన నాయక్ యాక్షన్ ఎంటర్ టైనర్ గా నిలిచింది. గత ఏడాది తమ సినిమాలతో పోటీపడిన వీవిద్దరూ మరో మారు ఈ సంక్రాంతికి పోటీలో దిగారు. వన్  నేనొక్కడినే సస్పెన్స్ ధ్రల్లర్ కాగా, ఎవడు యాక్షన్ థ్రిల్లర్. అయితే ఎవడులో  హిట్ అయ్యేందుకు  అనేక కమర్షియల్  ఎలిమెంట్స్  ఉన్నాయని  సినీ జనం అంటున్నారు.