న్యూజిలాండ్ టూర్ ముందు రోజు రాత్రి కూడా

Posted: 01/13/2014 01:28 PM IST

ఇండియన్ యంగ్ క్రికెటర్ విరాట్ కోహ్లీ అనుష్క శర్మతో బంధాన్ని తెంచుకోలేక పోతున్నాడు. గత కొంత కాలంగా వీరిద్దరి మధ్య ఘాటు ఎఫైర్ నడుస్తున్నట్లు వార్తలు రావడమే కాకుండా, ఇటీవల సౌతాఫ్రికా టూర్ ముగిసిన తరువాత నేరుగా అనుష్క ఇంటికి వచ్చి డిసెంబర్ 31 వేడుకల్ని ఇద్దరు ఏకాంతంగా ఎంజాయ్ చేసి వార్తల్లో నిలిచిన విషయం తెలిసిందే. ఇక తాజాగా భారత జట్టు న్యూజిలాండ్ టూర్ కి ప్రయాణం అయ్యింది.

ఆ టూర్ నుండి తిరిగి వచ్చే సరికి చాలా రోజులు గ్యాప్ వస్తుందనుకున్నాడో లేక తన ప్రేయసితో సరదగా గడపాలనుకున్నాడో కానీ, శనివారం రాత్రి అనుష్క శర్మ ఉండే ఫ్లాట్ కి వచ్చి రాత్రంతా ఆమె ఇంటోనే గడిపి తెల్లవారి నేరుగా ఎయిర్ పోర్టుకు వెళ్లాడని అక్కడి అపార్టుమెంటు వాసులు అనుకుంటున్నారు. ఈ వార్తలకు మరింత బలం మరింత ఊపునిచ్చే విధంగా ఆ అపార్ట్ మెంటు వాచ్ మెన్ కూడా... విరాట్ గత ఐదు రోజులుగా అనుష్కశర్మ ఇంటికి వస్తున్నాడు. మధ్యాహ్నం 2 గంటలకు వచ్చి రాత్రి 8.30 వరకూ ఉంటున్నట్ల తెలపడంతో విరాట్ అనుష్క శర్మల బంధం విడదీయరానంత లోతుకు వెళ్లిందని అనుకుంటున్నారు.

గతంలో ఒక షాంపూ ప్రకటనలో కనిపించినప్పటి నుండి సాగుతున్న వీరి వ్యవహారం ఇంకెంత దూరం వెళుతుందో చూడాలంటున్నారు. దీనిపై విరాట్ స్పందిస్తూ తాను సౌత్ ఆఫ్రికా టూర్ అనంతరం తన లగేజ్ ను ఇక్కడ ఉంచాను కాబట్టి తీసుకు వెళ్ళడానికి వచ్చానని, అంతకు మించి మా మధ్య ఎటువంటి సంబంధం లేదని మేమిద్దరం మంచి ఫ్రెండ్స్ మాత్రమే అని చెప్పుకొచ్చాడు. ‘చల్లకొచ్చి ముంత దాయడం ’ అంటే ఇదేనేమో..