నేను ఆటైపు కాదంటున్న సనా ఖాన్

Posted: 12/18/2013 12:34 PM IST

తెలుగులో నందమూరి కళ్యాణ్ రామ్ సరసన కత్తి చిత్రంలో, మంచు మనోజ్ ‘మిస్టర్ నూకయ్య ’ చిత్రాల్లో నటించిన అమ్మడు ‘సనా ఖాన్ ’ ఆ తరువాత తెలుగులో నటించిన ధాఖలాలు లేవు. తమిళంలో మన్మధుడిగా పేరుతెచ్చుకున్న శింబు సరసన నటించి, ఆ తరువాత రెండు మూడు చిత్రాల్లో నటించినా ఆశించిన స్థాయికి ఎదలేక పోయింది.

తెలుగు, తమిళంలో అవకాశాలు లేకపోవడంతో మళయాళ చిత్రాల్లో కూడా నటించింది. అక్కడ కూడా పెద్దగా పేరు రాకపోవడంతో బాలీవుడ్ లో తన అద్రుష్టాన్ని పరీక్షించుకునేందుకు సిద్దం అయింది. సల్మాన్‌ఖాన్ సరసన జయ్‌హో చిత్రంలో నటిస్తోందట. అయితే దక్షిణాదిలో ఐరన్ లెగ్ ముద్రపడటంతో తమిళ చిత్రంలో ఐటమ్ సాంగ్ చేయమని అడిగారట.

దీంతో ఈ బ్యూటీ తాను ఐటమ్ గర్ల్ మాదిరి కనిపిస్తున్నానా అంటూ ఆగ్రహంతో రెచ్చిపోయిందట. తాను నటించి న హిందీ చిత్రం జయహో త్వరలో విడుదలకానుంది. ఆ తరువాత తెలుస్తుంది తన రేంజ్ ఏమిటో అంటూ దర్శక నిర్మాతలపై చిర్రు బుర్రులాడిందట. ‘ఏమి లేనమ్మకు ఉలుకెక్కువ ’ అన్నట్లు అవకాశాలే లేని ఈ అమ్మడును ఐటెం సాంగ్ చేయమంటే అంతలా ఎగిరిపడటం అవసరమా అని తమిళ జనాలు అనుకుంటున్నారట.