Posted: 02/28/2013 07:01 PM IST

బోయపాటి దర్శకత్వంలో వచ్చిన ‘దమ్ము ’ సినిమా పెద్ద డిజాస్టర్ అయిన తరువాత ఎన్నో ఆశలు పెట్టుకొని భారీ బడ్జెట్ తో శీనువైట్ల దర్శకత్వంలో ఎన్నోఅంచనాల మధ్య తెరకెక్కుతున్న చిత్రం ‘బాద్షా ’. ఈ చిత్రం షూటింగ్ దాదాపు చివరి దశకు వచ్చింది. ఏప్రిల్ లో ఈ చిత్రాన్ని విడుదల చేయడానికి సన్నాహాలు కూడా చేస్తున్నారు. అయితే విడుదల సమయం దగ్గరపడుతున్న ఈ సమయంలో ఈ సినిమా పై భారీ పుకార్లు పుట్టుకొస్తున్నాయి. కోన వెంకట్, గోపీ మోహన్ కలిసి రాసిన ఈ కథ బాలీవుడ్ సూపర్ హిట్ సినిమా ‘సింగ్ ఈజ్ కింగ్ ’ కి కాపీ అని పెద్ద ఎత్తున పుకార్లు వస్తున్నాయి. గతంలో ఇలాంటి రూమర్లే వస్తే రచయితలు వివరణ కూడా ఇచ్చారు. కానీ మళ్ళీ పుకార్లు మాత్రం ఆగడం లేదు. ఈ సారి వచ్చిన పుకార్ల పై కోన వెంకట్ ఘాటుగానే స్పందించాడు. మా స్టోరీ ఏ చిత్రానికి కాపీ కాదని, మా కథనే వేరేవాళ్ళు రీమేక్ చేస్తారని అంటున్నారు. ఉన్నమాట అంటే...ఎగిరెగిరి పడ్డాడు అనే సామెత మాదిరి, కాపీ చిత్రం అనగానే అంతలా రియాక్షన్ ఇస్తున్నాడంటే ఎంతో కొంత కాపీ కొట్టే ఉంటాడని అనుకుంటున్నారు టాలీవుడ్ జనాలు.