Posted: 12/27/2012 05:13 PM IST

మాస్ రాజాగా ఎంతో కష్టపడి పేరుతెచ్చుకున్న రవితేజకి ఈ మధ్యన అస్సలు కాలం కలిసి రావడం లేదు. రవితేజ నటించిన సినిమాలు వరుస ప్లాపులు చవిచూడటమే కాకుండా నిర్మాతలకు భారీ నష్టాలను తెచ్చిపెడుతున్నాయి. తాజాగా నటించిన ‘సారొస్తారు ’ సినిమా పై ఎన్నో ఆశలు పెట్టుకున్నాడు. కానీ ఇది కూడా నిరాశ పరచడంతో మాస్ రాజాకి మరో దెబ్బపడ్డట్లైంది. ఈ సినిమా ఆడక నిర్మాతలు తలలు పట్టుకుంటుంటే... ఎలాగైనా పెట్టిన డబ్బులు అయినా తెచ్చుకోవాలని ప్రమోషన్ కార్యక్రమాలు చేద్దామనిః అనుకొని రవితేజని రమ్మంటే మనోడు వారికి హ్యాండ్ ఇచ్చాడట. ఎందుకట అంటే... నిర్మాతలు మనోడిని పారితోషికం ఇవ్వకపోవడంతో అలిగి ప్రమోషన్ కి రానని ఖరాఖండింగా చెప్పడంతో.... చేసేది ఏం లేక ప్రమోషన్ కోసం సార్ ప్రక్కన నటించిన మేడమ్ కాజల్ ని సంప్రదిస్తే ఆ అమ్మడు... నాకేంటి అనడంతో వారు పాతిక లక్షలు ఇస్తామని చెప్పడంతో పది రోజులు ప్రమోషన్ చేస్తానని ఒప్పుకుందట. అయినా సినిమాలో కథ లేనప్పుడు ఎవరితో ప్రమోషన్ చేస్తే ఏం లాభం ? ఇక టాలీవుడ్ జనాలు మాత్రం సార్ రాకపోయినా.... మేడమ్ తో పని కానిచ్చేస్తున్నారని అంటున్నారు.