Posted: 12/27/2012 05:03 PM IST

మోహన్ బాబు కుమార్తెగా బుల్లితెర పై అడుపెట్టి, ఆ తరువాత వెండి తెర పైకి వచ్చి, నటిగా, నిర్మాతగా మారిన మంచు లక్ష్మి ప్రసన్న భారీ బడ్జెట్ పెట్టి ఎంతో ప్రతిష్టాత్మకంగా ‘గుండెల్లో గోదావరి ’ అనే సినిమాని రూపొందించారు. ఈ సినిమా నిర్మాణం పూర్తి చేసుకొని చాలా రోజులు అయింది. వాస్తవానికి ఈ సినిమా నవంబర్ చివరి వారంలోనే విడుదల కావాల్సి ఉన్నా, ఇంత వరకు విడుదల కాలేదు. దీనికి గల కారణాలు మాత్రం తెలియరాలేదు. అయితే ఫిలిం నగర్ సమాచారం ప్రకారం.... ఈ చిత్రం భారీ బడ్జెట్ నిర్మితమైనందున కలెక్షన్లు రావాలంటే.... స్టార్ హీరోల చిత్రాలు లేని టైంలో విడుదల చేయాలని భావించి, మరో మూడు నెలలు వెనక్కి జరిపి, మార్చ్ లో విడుదల చేయాలని భావిస్తున్నట్లు సమాచారం. అయితే సినీ జనాలు మాత్రం మంచు లక్ష్మి గుండెల్లో గోదావరి విడుదల చేయడానికి గుండెల్లో రైళ్లు పరిగెడుతున్నాయని, గతంలో నిర్మించిన చిత్రాలు బాక్సాఫీసు వద్ద బోల్తా కొట్టడంతో దీనిని జాగ్రత్తగా డీల్ చేస్తుందని అంటున్నారు. మరి మార్చిలోనైనా దీన్ని విడుదల చేస్తుందో లేదో చూడాలి.