Posted: 12/12/2012 12:56 PM IST

పూర్వం మన పెద్దలు ఓ సామెత చెప్పారు. విత్తు ఒకటి అయితే చెట్టు మరొకటి అవుతుందా ? అని. ఏ చెట్టు విత్తు నుండి ఆ చెట్టు పుట్టినట్లు సినిమా ఇండస్ట్రీలోకి రామ్ గోపాల్ వర్మ శిష్యుడిగా వచ్చిన ప్రముఖ తెలుగు డైరెక్టర్ పూరీ జగన్నాథ్ కూడా వర్మలానే తయారయ్యాడు. ఎప్పుడు ఏదో వివాదాస్పద వ్యాఖ్యలు చేసే రామ్ గోపాల్ వర్మ పై సిరాశ్రీ వోడ్కా విత్ వర్మ అనే పుస్తకాన్ని రాశారు. పుస్తకం రాస్తే ముందుమాటగా వర్మకు తెలిసినవాళ్లు రాయాలి కదా. అని తన ప్రియ శిష్యుడు అయిన పూరీని అడిగారట. దాంతో పూరీ వర్మ పై తన పూర్తి ప్రేమను కురిపిస్తూ పుస్తకంలోని ముందు మాటలో ఈ విధంగా రాశాడు.... గురువు రాంగోపాల్ వర్మకు వ్రుధ్దాప్యం వచ్చి పండు ముసలి వాడిగా మారి మరొకరిపై ఆధారపడుతూ జీవిస్తుంటే చూడలేనని , ఆయన ఇలా ఒంటరిగా ఉంటూ... అలాంటి దుస్థితి రాకమునుపే గురువు వర్మ త్వరగా చచ్చిపోవాలని కోరుకుంటున్నట్లు అందులో రాశాడు. గురువు రాంగోపాల్ వర్మ అంటే శిష్యుడు పూరీకి ఎంత ప్రేమో దీనిని బట్టి అర్థం అవుతుందని టాలీవుడ్ సినీ జనాలు అనుకుంటున్నారు. ఈ పుస్తకంతో చాలా విషయాలు బయటపడతాని కూడా అంటున్నారు. మరి అందులో ఏమున్నాయో... చూద్దాం ఆ పుస్తకం విడుదల అయిన తరువాత.