Posted: 11/28/2012 12:00 PM IST

టాలీవుడ్ సినిమా ఇండస్ట్రీకి ఈ మధ్య అస్సలు కలిసి రావడం లేదు. అదేంటో కానీ అనుకున్న టైంకి ఈ మద్యన విడుదల అయిన సినిమాలు చాలా తక్కువ. చిన్న సినిమాల నుండి మొదలు పెడితే... పెద్ద సినిమాల వరకు అదే పరిస్థితి. కారణాలు ఏమైనా అనుకున్న టైంకి విడుదల చేయాలేక పోతున్నారు. మొన్నటి వరకు వాయిదాల మీద వాయిదాలు పడ్డ ఢమరుకం ఎట్టకేలకు విడుదల అయింది. ఇక గత నెలలలో రావాల్సిన కొన్ని చిత్రాలు కూడా వాయిదా పడ్డాయి. తాజాగా టాలీవుడ్ లో చాలా రోజుల తరువాత వస్తున్న మల్టీస్టారర్ మూవీ ‘సీతమ్మ వాకిట్లో సిరిమల్లె చెట్టు ’ డా అనుకున్న టైంకి విడుదల కాలేకపోతుంది. ఇప్పటికే రెండు సార్లు విడుదల తేదీని వాయిదా వేసి, మొన్న జనవరి 11వ తేదీన విడుదల చేస్తామని నిర్మాత నుండి కూడా ఓ నోట్ వచ్చింది. కానీ ఇప్పుడు ఆ తేదీకి కూడా విడుదల కాకపోవచ్చనే వార్తలు వస్తున్నాయి. ఈ సినిమా డిసెంబర్ చివరి వరకు కూడా షూటింగ్ పూర్తి కాకపోవచ్చని అందుకే ఈ వాయిదా అంటున్నారు. ఈ సినిమాని ఇక సమ్మర్ లోనే విడుదల అవుతుందని ఫిలిం వర్గాల సమాచారం. ఇక ఈ సినిమాలే కాకుండా ఇప్పటికే బాద్షా, వెంకీ షాడో సినిమాలు వాయిదా పడ్డాయి. ఇప్పటికి మాత్రం రామ్ చరణ్ చిత్రం నాయక్ ఒక్కటే విడుదల తేదీ కన్ ఫార్మ్ అయింది. ఇక సంక్రాంతికి మిర్చి ఘాటు చూపిస్తాడని అనుకున్న ప్రభాస్ సినిమా కూడా వాయిదా వేస్తారని అంటున్నారు. మరి తెలుగు ఇండస్ట్రీకి ఈ వాయిదాల దరిద్రం ఎప్పుడు వదులుతుందో.