Posted: 11/23/2012 01:12 PM IST

టాలీవుడ్ లో సమంతా ఇప్పుడు స్టార్ హీరోయిన్. అతి తక్కువ కాలంలోనే ఇంత క్రేజ్ సంపాదించుకున్న ఈ అమ్మడుకి కూడా అందరి హీరోయిన్లలానే ఓ కోరిక కలిగింది. అదేంటంటే... బాలీవుడ్ లో ఓ వెలుగు వెలగాలని. ఇప్పుడు సమంతా కూడా ఇలాంటి కోరికతోనే ఓ హిందీ సినిమా కమిట్ అయింది. 'అస్సీ... నబ్బె... పూరే... సౌ' పేరుతో రూపొందే ఈ చిత్రానికి సమంతా మెంటార్ గౌతమ్ మీనన్ దర్శకత్వం వహిస్తాడు. ఆదిత్య రాయ్ కపూర్ హీరోగా నటించే ఈ చిత్రంలో అనుపం ఖేర్ ఓ కీలక పాత్ర పోషిస్తాడు. విశేషం ఏమిటంటే, చాలా కాలం తర్వాత ఈ చిత్రం ద్వారా ఇళయరాజా మళ్ళీ ఓ హిందీ చిత్రానికి స్వరాలు సమకూరుస్తున్నాడు. మరో విశేషం ఏమిటంటే, ప్రస్తుతం తెలుగు తమిళ భాషల్లో రూపొందుతున్న 'ఏటో వెళ్ళిపోయింది మనసు' చిత్రానికి ఇది హిందీ రిమేక్. మొదట్లో మూడు వెర్శన్లూ ఒకేసారి తీద్దామని ప్లాన్ చేసి, హిందీ వెర్షన్ ను తాత్కాలికంగా ఆపారు. త్వరలో దీనిని మొదలెడతారట ! మొత్తానికి సమంతా కోరిక తీరబోతుందని అంటున్నారు సినీ జనాలు.