Posted: 11/22/2012 09:55 PM IST

టాలీవుడ్ సూపర్ స్టార్ మహేష్ బాబు సినిమాల మీద సినిమాలు, యాడ్స్ మీద యాడ్స్ చేసుకుంటూ దూసుకు పోతున్నాడు. ప్రస్తుతం మహేష్ బాబు సుకుమార్ దర్శకత్వంలో ఓ సినిమా చేస్తున్నాడు. ఈ సినిమాలో ఓ కొత్త గెటప్ లో కనిపించబోతున్నట్లు సమాచారం. ఈ సినిమా షూటింగులో భాగంగా కోటి యాభై లక్షల రూపాయిలతో రూపొందించిన సెట్ లో, రెండు వేల మంది జూనియర్ ఆర్టిస్టులు పాల్గొనగా ఈ పాటను చిత్రీకరించారు. ఈ సాంగ్ లో మహేష్ రాక్ స్టార్ గెటప్ లో కనిపిస్తాడు. స్టైలీష్ గా, చేతిలో ఎలక్ర్టిక్ గిటార్ తో మహేష్ కనిపిస్తాడట. ఈ గెటప్ తో అమ్మాయిల మనస్సును దోచుకుంటారనడంలో సందేహం లేదంటున్నారు సినీ జనాలు. అయితే మహేష్ సినిమా మొత్తం రాక్ స్టార్ గా కనిస్తాడా ? లేక పాట వరకే రాక్ స్టార్ గా కనిపిస్తాడా లేదా అనేది సినిమా విడుదల వరకు ఆగాల్సిందే.