Posted: 11/22/2012 03:42 PM IST

అతి తక్కువ కాలంలోనే టాలీవుడ్ లో తారా జువ్వలాగా దూసుకొని వచ్చిన తార సమంతా. మొన్నటి వరకు తీరిక లేని కాల్షీట్లతో బిజీ షెడ్యూల్ తో ఉండటమే కాకుండా, ఈమె కోసం టాలీవుడ్ హీరోలు, దర్శక నిర్మాతలు వెయిట్ చేసే పరిస్థితి ఉండేది. కానీ పాపం సమంతాకి గత కొద్ది రోజుల నుండి టైం కలిసి రావడం లేదు. ఆ మధ్యన అనారోగ్యం పాలు కావడంతో తన షెడ్యూలు తారుమారై పెద్ద సినిమాలను కూడా వదులుకోవాల్సి వచ్చింది. ఇప్పుడు కేవలం రెండంటె రెండు సినిమాల్లో మాత్రమే నటిస్తుంది. మొన్నామధ్య రామ్ చరణ్ సినిమా నుండి కూడా తప్పుకోవాల్సి వచ్చింది. తాజాగా ఇప్పుడు జూనియర్ ఎన్టీఆర్ హరీష్ శంకర్ దర్శకత్వంలో వచ్చే సినిమా నుండి కూడా తప్పించి శ్రుతి హాసన్ ని తీసుకున్నట్లు వార్తలు వస్తున్నాయి. అయితే సమంతను సడెన్ గా భారీ ప్రాజెక్టుల నుండి తప్పించడం వెనుక ఎవరి హస్తం అయినా ఉందా ? లేక అనారోగ్యం కారణంగా పెద్ద సినిమాలకు పెట్టిన ఇబ్బందులో ఏమో కానీ టాప్ ప్రొడ్యూసర్ బేనర్ నుండి వరుసగా రెండు సినిమాల నుండి తప్పించడం వెనుక కారణాలు బాగానే ఉన్నాయంటున్నారు. ఈనెల 23 నుండి పవర్ స్టార్ పవన్ కళ్యాణ్ మూవీ షూటింగ్ ప్రారంభం కాబోతుంది. ఈ సినిమాకి సమంతా కాల్షీట్లు ఇచ్చినట్లు వార్తలు. దీని కారణంగానే ఈ సినిమా నుండి తప్పించినట్లు ఫిలిం జనాల టాక్.  మరి హరీష్ శంకర్ దగ్గరి నుండి స్టేట్ మెంట్ వచ్చేదాకా ఏది నిజమో తెలియదు. ఒక వేళ సమంతాని కావాల్సుకొని తప్పిస్తే మాత్రం సమంతకు కూడా బ్యాడ్ టైం స్టార్ట్ అయిందని చెప్పవచ్చు.